Հունիսի 22-ին, ժամը 16.30-ի սահմաններում, «Ֆոլքսվագեն Գոլֆ» մակնիշի ավտոմեքենան Վանաձոր-Վրաստանի սահման Մ-6 միջպետական ճանապարհի 90-րդ կմ-ին դուրս է եկել ճանապարհի բանուկ մասից և ընկել ձորակը:
Պատահարի հետևանքով վարորդը և երկու ուղևորուհիները մարմնական վնասվածքներով տեղափոխվել են Նոյեմբերյանի բժշկական կենտրոն:
Նույն օրը, ժամը 20.18-ին, նշված բուժկենտրոնից հաղորդում է ստացվել, որ ստացված մարմնական վնասվածքներից ուղևորուհիներից մեկը՝ 2012 թ. ծնված Էլեն Սարգսյանը, մահացել է:
Կատարվում է նախաքննություն:
ՀՀ ոստիկանություն
