Ինչպես տեղեկանում ենք «Դատալեքս» տեղեկատվական կայքից, պետական եկամուտների կոմիտեի Մարտունու տարածքային հարկային տեսչությունը հօգուտ պետական բյուջեի 12 միլիոն 972 հազար 611 դրամ բռնագանձելու պահանջով դատի է տվել «Վարդենիսի նյարդահոգեբանական տուն-ինտերնատ» պետական ոչ առեւտրային կազմակերպությանը: Հայցվորի կողմից ներկայացված, ինտերնատի գույքի, դրամական միջոցների վրա կալանք դնելու միջնորդությունը ՀՀ վարչական դատարանի դատավոր Հովհաննես Թորոսյանի կողմից մասնակի է բավարարվել:
Մեր տեղեկություններով՝ հարկային տեսչությունը դատարան է դիմել այն բանի համար , որ տուն-ինտերնատի աշխատողներին տրված գիշերավճարները եւ բարձրադիր գոտու համար նախատեսված հավելավճարները որպես աշխատավարձ չեն համարվել եւ այդ գումարներից պետբյուջե սոցիալական վճարումներ չեն արվել:
Սույն գործով դատական առաջին նիստը ՀՀ վարչական դատարանի Սեւանի նստավаյրում նշանակված է հունիսի 28-ին:
Կարդացեք նաև
Ոսկան ՍԱՐԳՍՅԱՆ
