Երեկ Aravot.am-ը գրել էր, որ ՀԱՕԿ գլխավոր քարտուղար Հրաչյա Ռոստոմյանը մեր կայքին ասել է, թե մասնակցելու է Օլիմպիական միջազգային օրվա ծրագրով կայանալիք վազքարշավին:
Այսօր նա կատարեց խոստումը: Մեկնարկից առաջ Հրաչյա Ռոստոմյանը մեզ ասաց. «Այսօրվա իմ մասնակցությունը ձեւական չէ: Ես մարզիկ եմ, բասկետբոլիստ եւ շաբաթական երկու անգամ պարտադիր մարզվում եմ՝ բասկետբոլ, ֆուտբոլ խաղում, վազում: Պարզապես, այսօր ցանկացա անձնական օրինակով մեր ազգաբնակչությանը ցույց տալ, որ առողջ ապրելակերպն անհրաժեշտություն է, որ առանց առողջ մարդու ոչ լավ զինվոր կունենանք, ոչ լավ գիտնական, ոչ մշակույթի լավ գործիչ եւ ընդհանրապես՝ ոչինչ չենք ունենա, որ ամենաթանկ բանը առողջությունն է, որը պետք է ունենալ եւ պահպանել»:
Մեր հարցին, թե կհասնի՞ եզրագիծ, նա պատասխանեց. «Ոչ միայն անպայման հասնելու եմ, այլեւ ուզում եմ հաղթել»:
Հրաչյա Ռոստոմյանը, ճիշտ է, չհաղթեց, սակայն մրցատարածությունն անցավ ամբողջությամբ:
Կարդացեք նաև
Աշոտ ՀԱԿՈԲՅԱՆ
