Մոր և մանկան առողջության հայկական դաշինքի հրավերով ՀՀ առողջապահության նախարար Դերենիկ Դումանյանն այսօր Աղվերանում հանդիպում-երկխոսություն ունեցավ քաղաքացիական հասարակության ավելի քան 45 ներկայացուցիչների հետ:
Նախարարը ներկայացրեց իրականացվող բարեփոխումները պոլիկլինիկան և հիվանդանոցային օղակներում, ֆինանսավորման և այլ ոլորտներում։ Խոսեց նաև առաջիկայում ակնկալվող տարբեր ծրագրերի, այդ թվում` առողջ ապրելակերպի խթանման մասին: Երկու ժամ տևած հանդիպման ընթացքում Դերենիկ Դումանյանը սպառիչ պատասխաններ տվեց դաշինքի ներկայացուցիչներին հուզող բազմաթիվ հարցերին:
Հիշեցնենք, որ Մոր և մանկան առողջության հայկական դաշինքը ստեղծվել է 2010թ. Վորլդ Վիժն կազմակերպության «Երեխայի առողջությունն է» քարոզարշավի շրջանակներում: Այն միավորում է 47 ՀԿ-ների, մասնագիտական կառույցների և քաղաքացիական հասարակության այլ ներկայացուցիչների:
ՀՀ առողջապահության նախարարություն
