ՀՀ կրթության և գիտության նախարար Արմեն Աշոտյանն իր օրը սկսել էր ապագա ուսանողների հետ` ներկա լինելով քիմիա և պատմություն առարկաների քննությանը թիվ 170 ավագ դպրոցում: Նա ծանոթանում էր ուսանողների հետ, հարցնում որտեղից են եկել ու ինչպես են տրամադրված քննությանը: Նստում էր աշակերտական սեղանին, խորհուրդներ տալիս երեխաներին ու ձեռք սեղմում:
Մինչև քննության սկսելը դպրոցի քննական հանձնաժողովի ղեկավար Լուսինե Ասլանյանը տեղեկացրեց, որ ըստ ցուցակների՝ պետք է մասնակցեր 235 դիմորդ. «Ներկա դրությամբ ունենք 25 բացակա: Ոչ մի արտառոց դեպք չի գրանցվել»,- ու հույս ունի, որ մինչև քննության ավարտը այդպես էլ կշարունակվի:
Այսօր քննական գործընթացի վերջին օրն է, ու այն ավարտվում է հաջողությամբ: Նախարարը հաջողությունը կապեց լրահոսի բացասական խոսակցությունների չնչին տոկոսով ու երեխաների ցուցաբերած բարձր գնահատականներով: Ա.Աշոտյանն ասաց, որ այն ուսանողները, երբ չընդունվեն առաջին հայտով, ապա նրանց հնարավորություններ կտրվի երկրորդ հայտով ընդունվելու:
Կարդացեք նաև
Իսկ քննասենյակներից իր դուրս գալը նախարարը բացատրեց նրանով, որ չխանգարի աշակերտներին:
Աշոտյանը հեռացավ քննասենյակներից՝ ցանկանալով հաջողություն, ուշադրություն, բարձր գնահատականներ: Քննությունը սկսված է :
Մելանյա ՀԱՐՈՒԹՅՈՒՆՅԱՆ
