«Չեմ կարծում, թե Ռուսաստանը պատժում է Հայաստանին, նա սիրաշահում է Ադրբեջանին»,-այսօր «Արմատ» մամուլի ակումբում խոսելով հայ-ռուսական հարաբերություններում վերջին զարգացումների մասին՝ կարծիք հայտնեց «Մոդուս Վիվենդի» կենտրոնի ղեկավար, քաղաքագետ Արա Պապյանը: Նա հավաստիացրեց, թե այնպես չէ, որ ՀՀ-ն ՌԴ-ին պետք չէ, այլ ընդհակառակը. «Ինչքան մեզ է պետք ռուսական ներկայությունը, երկու այդքան էլ Ռուսաստանին է պետք: Ընդհակառակը, մեր ատամները ՌԴ-ն հաշվել է, մտածում է՝ ինչ էլ անի, մեզ չի կորցնի: Մենք կորցրինք այդ պահը, և ռուսական հասարակության մեջ կա այն մտայնությունը, թե միևնույն է՝ հայերը մերն են»:
Պարոն Պապյանը մտահոգություն հայտնեց, որ պատմությունը կրկնվի ու Հայաստանը «կանգնի թուրքական յաթաղանի ու ռուսական սապոգի միջև»:
Ա. Պապյանը շեշտեց, որ ՀՀ-ն այսպիսի իրավիճակում չէր հայտնվի, եթե ունենայինք այլընտրանքային տնտեսական քաղաքականության հնարավորություններ:
Հետո էլ անդրադառնալով կոնկրետ գազի սակագնի թանկացման խնդրին, ասաց. «Ակնհայտ է, որ ռուսական բիզնեսը ՀՀ-ում ունի պետական հովանավորություն: Բայց ՌԴ-ն սա չի գնահատում: Ի վերջո, եթե մեզ հետ մեր դաշնակիցը պիտի խոսի այդ ձևի ճնշումներով, ի՞նչ դաշնակից: Դաշնակցություն ես պատկերացնում եմ Ամերիկայի և Իսրայելի միջև դաշնակցությունը: Թե չէ ստացվում է, որ ռուսներն իրենց արածը մեր աչքն են կոխում, բայց մեր արածը չի երևում: Եթե մարդու կամ պետության ձեռքերը ոլորելով հասնում ես քո ուզածին, դրանք բաներ են, որ չեն մոռացվում»:
Կարդացեք նաև
Ա. Պապյանը անհասկանալի է համարում այն վիճակը, որում ՀՀ-ն հայտնվել է ու հավելում. «Մեր վիճակն այսօր ավելի վատ է, քան եթե լինեինք ՌԴ մաս: Նա մեզ վաճառում է գազը միջազգային գնով, մենք մեր էներգետիկ համակարգը վստահել ենք նրան, բայց նա չունի որևէ պարտավորություն: Մենք մեր հակակշիռները պիտի ստեղծենք: Մեր այսօրվա դաշնակիցը զինում է մեր թշնամուն և այդ զենքը սպանելու է ձեր երեխաներին, եղբայրներին և ամուսիններին»:
Տաթև ՀԱՐՈՒԹՅՈՒՆՅԱՆ
Իսկ ուրիշ ինչպե՞ս պետք է վարվեր ՌԴ-ը մեր երկրի հետ, երբ բացահայտ երկրի ներսում ամեն ինչ
գնվում և վաճառվում է, թալանվում և կողոպտվում է՝ բացարձակ անպատիժ: