Այսօր «Աշխատավորների շահերի պաշտպանության շարժման» ղեկավար Կարեն Թումանյանը «Հայելի» ակումբում խոսելով արհմիությունների թեմայով՝ ասաց. «Աշխարհում չկա այդպիսի բան, որ աշխատավորը չուզենա դառնալ արհմիության անդամ: Հայաստանի պարագայում` ՄԻՊ-ը սեփական սեկտորում մուտք չունի, եւ աշխատավորների իրավունքների ոտնահարումը, ըստ օրենքի, կարող է պաշտպանվել միայն արհմիության կողմից: Պետք է այնպես անել, որ մոտ 700 հազար աշխատավորներ, որոնք արհմիության անդամ չեն` բերել այդ դաշտ, բայց դեռ թույլ չեն տալիս այդպես անել»:
Թումանյանի խոսքով` 20 տարի է արհմիությունները պատական աջակցությունից դուրս են, իսկ իրենց բարձրացրած հարցերից հետո, ըստ նրա իրենց արձագանքել է միայն ԱԽ քարտուղար Արթուր Բաղդասարյանը`«Նրա հայտարարությունն ինձ ոգեւորեց: Ես սկսեցի գյուղերով շրջել, որ ծանոթանամ արհմիությունների վիճակի հետ, դուք չեք պատկերացնում, թե անտեղ ինչ է կատարվում, եթե ասենք իրականում 70 հոգի է աշխատում, ներկայացված են 20-ը…»:
Թումանյանի խոսքով` իրենք դեռ մշակումների մեջ են, թե որ ճանապարհով գնալ, որպեսզի կայանալ` «Արհմիությունները սոցիալական լուրջ կառույցներ են»:
Եվա ՀԱԿՈԲՅԱՆ
