Հունիսի 20-ին ՀՀ ԱԻՆ ճգնաժամային կառավարման կենտրոնում ահազանգեր են ստացվել նկատված օձերի վերաբերյալ:
Մասնավորապես` բնակիչներն օձեր են նկատել Երևանի Վարդաշենի 9-րդ փողոցի թիվ 3բ տան բակում, Մեղրիի Ադելյան 7 հասցեում` թիվ 1 գրադարանում, Ագարակի Աբովյան 12ա տանը:
Դեպքի վայրեր են մեկնել փրկարարական ջոկատներ:
Ուսումնասիրությունների արդյունքում` նշված հասցեներում օձեր չեն հայտնաբերվել:
Օձ Երևանում
Հունիսի 20-ին, ժամը 17.08-ին ահազանգ է ստացվել, որ Երևանի Ավան վարչական շրջանի Նարեկացի թաղամասի թիվ 1ա շենքի մոտ գտնվող այգում օձ է նկատվել:
Դեպքի վայր է մեկնել փրկարարական ջոկատը:
Հայտնաբերվել է շահմար տեսակի օձ և տեղափոխվել անվտանգ տարածք:
ԱԻՆ
