Կանադահայ գործարար Սարգիս Յակուբյանին Կուբայի դատարանը մեղավոր է ճանաչել կուբացի պաշտոնյաներին կաշառելու համար և դատապարտել 9 տարվա ազատազրկման: Հայտնում է «Ռոյթերս» լրատվական գործակալությունը:
Նրա զարմիկ և գործընկեր, լիբանանի քաղաքացի Գրիգոր Բայասալյանը նույն մեղադրանքով դատապարտվել է 4 տարվա ազատազրկման:
Յակուբյանը «Tri-Star Caribbean» ներկրման ընկերության սեփականատերն էր, այն լուծարվել է երկու տարի առաջ: Ձերբակալությունից հետո Յակուբյանը խոստովանել էր իր մեղքը:
Յակուբյանը պատրաստվում է բողոքարկել դատավճիռը և հույս ունի, որ իրեն Կանադա կտեղափոխեն, ասել են իր բարեկամները «Կանադիան փրես» լրատվական գործակալությանը:
Կարդացեք նաև
Եվս երկու բրիտանացի գործարար Կուբայում մեղավոր են ճանաչվել փոքր զանցանքների համար և ազատ են արձակվել:
Պատրաստեց Հովհաննես ԻՇԽԱՆՅԱՆԸ
