Կենտրոն եւ Նորք-Մարաշ վարչական շրջանների ընդհանուր իրավասության դատարանում ՀՀ նախագահի թեկնածու Պարույր Հայրիկյանի դեմ մահափորձի գործով հրապարակվեցին ամբաստանյալ Խաչատուր Պողոսյանի՝ նախաքննության ժամանակ տրված ցուցմունքները: Դրանք 9-ն են:
Փետրվարի 16-ին, երբ նա լրացուցիչ հարցաքննվել է 6-րդ անգամ, Խ. Պողոսյանը հայտնել էր, որ իրեն եւ Սամվել Հարությունյանին նախագահական ընտրարշավի ժամանակ Վարդան Սեդրակյանն ասել էր, թե պետք է վախեցնել Սերժ Սարգսյանի փեսային. «Ասեց՝ մեքենան պիտի վառեք, լավ կլինի հյուրանոցի մոտ, բենզինի շիշ նետեք, որ ախրանա չլինի: Վարդանն հետո ասաց՝ լավ կլինի Սերժի եղբորը՝ Սաշիկին վախեցնել: Հարմար պահ ընտրեք: Բայց դա հիմա պետք չի, նրա ախրանան ուժեղ է: Նա ասաց՝ հետո կասեմ»:
Դրանից հետո իր գրասենյակում խոսել էր Պարույր Հայրիկյանին վախեցնելու մասին, նաեւ, ըստ ամբաստանյալի ցուցմունքի՝ «ինչ-որ թերթի խմբագրի համար», որից հետագայում հրաժարվել էր, ասելով՝ «պետք չի, էս երկու օրը խելոքացել է»:
Ռուզան ՄԻՆԱՍՅԱՆ
Կարդացեք նաև
