«Կովկասյան կենսաբազմազանության ապաստարան» (ԿԿԱ) նախագծի տեսախցիկը սիրիական արջ է (Ursus arctos syriacus) որսացել Հայաստանի անտառներում, որը Եվասիայի գորշ արջի ենթատեսակներից է: Հայտնում է «Մոնգաբեյ» պարբերականն ու գրում, որ այս նկարահանումը կարևոր է, քանի որ այդ արգելոցում մեկ կամ երկու այդպիսի արջ կարող է լինել, և այդ տեսակը Հայաստանում համարվում է խոցելի:
Արջերի հստակ քանակը անհայտ է ու գնալով պակասում է որսագողության, բնական միջավայրի ոչնչացման և ուտելիքի պաշարների վերացման պատճառով:
Գյուղատնտեսությունն ու հանքերը բնական միջավայրի վերացման պատճառներից են, և վնասելով պտղատու այգիներն ու մեղվի փեթակները՝ արջերը խնդիրներ են ունենում տեղի գյուղացիների հետ: Վայրի բնության և մշակույթի պահպանման ծրագրի (ՎԲՄՊ) տնօրեն Բարբարա Սիբերտն ասում է. «ԿԿԱ-ն կարևոր է, քանի որ մենք արջերի համար տարածքներ ենք տրամադրում, որոնք զերծ են խնդիրներից: Մենք նաև վայրի մրգերի և ընկույզի ծառեր ենք տնկում, որպեսզի արջերին գրավենք ապահով տարածքներ գնալ»:
ՎԲՄՊ տեսախցիկ-թակարդներ է օգտագործում, որպեսզի գնահատի կենդանիների քանակը վայրի բնության մեջ, ու ամեն տարի թվերը համեմատում են՝ հասկանալու կենդանիների թիվն աճում է, թե ոչ: Բացի այդ, եթե տեսախցիկները վիրավոր կենդանիներ են որսում, նշանակում է այդտեղ որսագողությամբ են զբաղվում, ու հուշում են, որ տվյալ տարածքում ավելի մեծ ուշադրություն դարձնեն կենդանիների անվտանգությանը:
Պատրաստեց Հովհաննես ԻՇԽԱՆՅԱՆԸ
