Այսօր կառավարության նիստից հետո տրանսպորտի եւ կապի նախարար Գագիկ Բեգլարյանը շենքը լքելուց առաջ, մուտքի մոտ պատասխանելով ՎՊ-ի բացահայտումների վերաբերյալ մի քանի հարցերին, զարմանքով դիմեց մի քանի լրագրողների. «Էլ հարցեր չկա՞ն, էն որ ես կնոջը վիրավորել եմ»:
Խոսքը «Ժամանակ» օրաթերթի այն հրապարակման մասին է,, ըստ որի, Գագիկ Բեգլարյանն իրեն դիմած մի կնոջ վիրավորել է, ասելով` «Շան պես հաչում ես»:
Այս առնչությամբ պարոն Բեգլարյանն ասաց, որ ինքը երբեք որեւէ կնոջ, նույնիսկ մանկապարտեզում որեւէ աղջնակի չի վիրավորել. «Ես ուզում եմ բոլորիդ ասել՝ ես իմ կյանքում ոչ մի կնոջ չեմ նեղացրել, չեմ վիրավորել, անգամ եթե այդ կինը լինի խելագար: Եթե վաղը հայտնաբերվեն մարդիկ, որ ասեն՝ ես մանկապարտեզում վիրավորել եմ աղջնակի 47 տարի առաջ, չհավատաք, որովհետև ծնվածս օրվանից ես կանանց չեմ վիրավորում»:
Հարցին, իսկ եթե կանայք ձեզ նյարդայնացնում են, ինչ եք անում, պարոն Բեգլարյանն ասաց` «Կանայք ինձ չեն նյարդայնացնում»:
Նախարարի խոսքերով` «Իմ ամբողջ կյանքում չի գտնվի մի կին, որ կասի ես իրեն վիրավորել եմ»:
Մանրամասն` տեսանյութում
Նելլի ԲԱԲԱՅԱՆ
