Այսօր կառավարության նիստը սկսվեց վարչապետի քաղաքական երեք հայտարարություններով: ՀՀ վարչապետ Տիգրան Սարգսյանի ներկայացմամբ՝ «Վերահսկիչ պալատի բացահայտումները պետք է ներկայացվեն իրավապահ մարմիններին, պետք է ամեն ինչ անել, որպեսզի հրապարակային մեղադրանքները ստանան պատասխաններ»:
Ըստ վարչապետի՝ «Վերահսկիչ պալատը մասնագիտացված կառույց է եւ իրավունք չունի քաղաքական հայտարարություններ անելու: ՎՊ-ի բացահայտումների վերաբերյալ գնահատական պետք է տա Ազգային ժողովը եւ գործադիրը»:
Վերահսկիչ պալատի այն հայտարարությունը, թե բյուջեի 70 տոկոս ծախսերը կոռումպացված եւ ռիսկային են, վարչապետի վստահեցմամբ՝ իրականությանը չի համապատասխանում:
ՀՀ վարչապետը հանձնարարեց կառավարության բոլոր անդամներին՝ պատրաստել փաստաթղթեր, նյութեր՝ դատախազություն ներկայացնելու եւ ըստ այդմ կամ հերքեն, կամ եթե մեղավոր են՝ պատասխանատվություն կրեն:
Կարդացեք նաև
Նելլի ԲԱԲԱՅԱՆ
Տեսանյութը՝ «Ա1+»-ի
