18.06.2013թ. ՀՀ ՏՄՊՊ հանձնաժողովը վարչական վարույթի շրջանակներում ընդունել է որոշում «Դոմինո Փրոդաքշն» ընկերության վերաբերյալ՝ որակելով վերջինիս գործողությունները որպես «անբարեղիճ մրցակցության դրսևորում»:
Հանձնաժողովին ներկայացված ապացույցների, մեր կողմից բերված փաստարկների ուժով հիմնավորված է, որ ոչ միայն մրցակցություն, այլև անբարեխիղճ մրցակցություն չկա և չի կարող լինել, և որ իրականում վեճը գտնվում է այլ հարթությունում` Արամ Հարությունյան և Աշոտ Առաքելյան անձանց միջև որպես նախկին գործընկերներ, ինչը դուրս է հանձնաժողովի իրավասությունից:
Հանձնաժողովը ոչ միայն չի ընկալել այս կարևոր և ակնառու հանգամանքը, այլև վարչական վարույթն իրականացրել է օրենսդրության կոպիտ խախտումներով, ինչը փաստում ենք ցավով:
Հանձնաժողովի որոշումը վերջնական չէ, այն ենթակա է բողոքարկման դատական կարգով:
Կարդացեք նաև
Ուստի հաշվի առնելով, որ առջևում կսկսվի դատական գործընթաց, կոչ ենք անում ձեզ ձեռնպահ մնալ վաղաժամ որակումներից և համբերությամբ սպասել խնդրի իրավական և օբյեկտիվ հանգուցալուծմանը:
«Դոմինո Փրոդաքշն» ՍՊԸ Տնօրեն Ռ.Վարդանյան
«Դոմինո Վիդեո Փրոդաքշն» ՍՊԸ
Համահիմնադիր Ա.Առաքելյան
