«Ազատություն» ռադիոկայան. ԵԱՀԿ-ի Մինսկի համանախագահ պետությունների ղեկավարների` երեկ Էնիսկիլենում հրապարակած հայտարարությունում արտացոլված է Ադրբեջանի դիրքորոշումը, այսօր հայտարարել է Ադրբեջանի արտգործնախարարության պաշտոնական ներկայացուցիչ Էլման Աբդեւլաեւը:
Նրա խոսքերով` «Ադրբեջանի դիրքորոշումը միշտ աչքի է ընկել պրագմատիկությամբ, Ադրբեջանը բազմիցս ընդգծել է հակամարտության արդարացի կարգավորումը, որը պետք է լինի երկրի տարածքային ամբողջականության շրջանակներում: «Արդարության վերականգնումը օկուպացված տարածքների վերադարձն է եւ փախստականների վերադարձը իրենց հողեր», – ասել է Աբդուլաեւը:
«Համանախագահ երկրների նախագահները շատ ճիշտ նշել են, որ ռազմական ուժի կիրառումը անկայունության եւ դիմակայության առաջացման պատճառ է դառնում: Դրա կանխման համար ադրբեջանական հողերը պետք է վերադարձվեն, եւ Հայաստանի զինված ուժերը պետք է լքեն Ադրբեջանի օկուպացված տարածքները: Հայաստանը խախտել է ուժի չկիրառման սկզբունքը, ինչի արդյունքն է ադրբեջանական հոերի օկուպացումը», – «Թրենդ» լրատվական գործակալության փոխանցմամբ` հայտարարել է Ադրբեջանի արտաքին քաղաքական գերատեսչության ներկայացուցիչը:
Կարդացեք նաև
