ՀՀ կրթության և գիտության նախարար Արմեն Աշոտյանը ու ՀՀ –ում Ֆրանսիայի արտակարգ և լիազոր դեսպան Անրի Ռենոն , ՀՀ կրթության և գիտության նախարարությունում այսօր ստորագրեցին կրթական համագործակցության հուշագիր Երևանի Բ.Ժամկոչյանի անվան թիվ 119 ավագ դպրոցում ֆրանսերենի խորացված ուսուցում և ֆրանկոֆոն լրացուցիչ ծրագիր իրականացնելու համար:
Արմեն Աշոտյանի խոսքով, հուշագիրը հնարավորություն կտա Երևանի Բ.Ժամկոչյանի անվան թիվ 119 ավագ դպրոցում խթանել ֆրանսերեն լեզվի և գրականության խորացված ուսուցումը: Դպրոցում կիրականացվի «Ֆրանսերեն լեզու » և «Ֆրանսերեն գրականություն» առարկաների խորացված ուսուցումը , կկատարվեն նաև լրացուցիչ դասընթացներ «Ֆրանսիայի պատմություն և աշխարհագրություն» ու «Ֆրանսիայի քաղաքակրթություն» թեմաներով:
Ծրագիրը կիրականացվի տարեկան մեկ դասարանում մեկ մակարդակ ներդնելու սկզբունքով:
Նախարարը իր խոսքում նշեց, որ համապատասխան մանկավարժների ներդրումը հանրակրթական կրթահալիրում կխթանի ֆրանսիական փորձը ներդնելու համար. «Այս համաձայնագրով, ուսանողները կստանան որ միայն ավարտական ատեստատ, նաև սերտիֆիկատ Ֆրանսիայի կողմից»: Այդ փաստաթղթերը հնարավություն կտան Ֆրանսիայում ընդունվել լավագույն բուհեր: Իսկ այս ծրագրի գործում մեծ ներդրում ունեցավ Անրի Ռենոյի անձնական միջամտությունը, փաստում է նախարարը:
Կարդացեք նաև
Դեսպանը հավաստիացնում է. «Այսօր նշանակալի օր է, որովհետև արդեն երկու տարի և ավել 3 –րդ համաձայնագիրն է, որ ես ստորագրում եմ Արմեն Աշոտյանի հետ»: Դեսպանը նշում է, որ սա ընդհանուր ուժերի համադրման մի ծրագիր է. «Այս ծրագրի շնորհիվ,մենք նպատակ ենք հետապնդում ստեղծել հնարավորություն բակալավրի ուսանողների համար՝ իրենց կրթական գործընթացը շարունակել Ֆրանսիայում (Ֆրանսիայում դպրոցական շրջանավարտը ունենում է արդեն բակալավրի աստիճան,- Մ.Հ.):
Մելանյա ՀԱՐՈՒԹՅՈՒՆՅԱՆ
