Արձակագիր Վարդգես Պետրոսյանն այս հարցազրույցը Ա1 հեռուստաընկերությանը տվել է սպանությունից 2 ժամ առաջ՝ 1994-ի ապրիլի 15-ին։ Այս հարցազրույցում Գրողների միության նախկին նախագահը, Գերագույն խորհրդի (1990-94) պատգամավորը խոսում է Հայաստանի նախագահ-մտավորականություն հարաբերությունների, կուսակցությունների, մամուլի մասին:
1994-ին Վարդգես Պետրոսյանը տպավորություն ուներ, որ Հայաստանի կուսակցությունները իրենց քաղաքական սկզբունքներով գրեթե միմյանցից չեն տարբերվում, ինքը չգիտեր, թե ինչու են դրանք այքան շատ ու անհաշտ. «Ցավոք, Սփյուռքում կար էդ բանը՝ նախ կուսակցական, հետո հայ։ Սփյուռքի կուսակցական էդ բոլորը փոխադրվեցին Հայաստան շատ ավելի սուր արտահայտված»։
Վարդգես Պետրոսյանը կանխատեսում էր, որ գալու է ժամանակը, երբ ժողովուրդը հիասթափվելու է ցանկացած կուսակցությունից, ինքն այդ հիասթափությունը տեսնում էր դեռ այն ժամանակ, երբ Ղարաբաղում երեխաները մեռնում էին ադրբեջանցիների հրետակոծությունից:
Կարդացեք նաև
Մանրամասները՝ այստեղ:
