Ամենքս էլ մեր ցանկություններն ունենք, մեր երազանքներն ու նպատակները, որոնք ոչ միշտ են հնարավոր իրականցնել, բայց դա մեզ չի խանգարում երազե՜լ, թռչե՜լ դեպի աներևույթը: «Առավոտ երիտասարդականն» այսօր էլ ծանոթացավ երիտասարդների անիրական երազանքների հետ:
«Ես կուզենայի կախարդական փայտիկ ունենալ, որ ինձ համար էլ ոչինչ անհնարին չլիներ», – ասում է 19-ամյա Մարինեն:
17-ամյա Լիլիան էլ, իրեն երազկոտ համարելով, ասում է, որ անիրական երազանքները շա՜տ են, որոնց մասին երբեք չի խոսել, սակայն դրանցից մեկն այսօր բարձրաձայնեց. «Ուզում եմ բարձրանամ մեր շենքի տանիք ու ընկնեմ էնտեղից, հետո պարզվի, որ ես թռչել գիտեմ ու չեմ ընկնի գետնին» 🙂
«Ուզում եմ գոնե մեկ օրով անտեսանելի դառնալ, – ասում է 22-ամյա Սրբուհին, – կհայտնվեի այնտեղ, ուր ինձ ոչ ոք չէր սպասի»:
«Կուզենայի աշխարհի բոլոր երկրներում լինեի, – ասում է 20-ամյա Սամվելն ու ավելացնում, – իհարկե դա այնքան էլ անիրական չէ, բայց ինձ թվում է հնարավոր էլ չէ»:
«Կուզենայի աշխարհի ամենահարուստ մարդը լինել ու օգնել բոլոր բոլորին, ով գումարի կարիք ունի», – ասում է 19-ամյա Մովսեսը
«Շատ կուզենայի իմ սիրելի մարդիկ անմահ լինեին», – անկեղծանում է 18-ամյա Օֆելիան:
Տիգրանուհի Թասլակյան
