ԱԺ ՀԱԿ խմբակցության քարտուղար Արամ Մանուկյանն այսօր Վերահսկիչ պալատի 2012 թվականի հաշվետվության քննարկման ժամանակ հայտարարեց. «Սա կեղծ բարեփոխումների ակցիա է , որևէ լավ բան մի սպասեք: Առաջարկում ենք ունենալ իսկապես հանձնաժողով, նայենք բոլոր գործերը, դատախազությանը մենք տանք, որ ինքը չորոշի՝ էդ մարդուն պատժի թե չմերժի»:
Դահլիճից պատգամավորներից մեկն ինչ-որ բան ասաց: Մանուկյանը հավելեց. «Բիզնես ունեցողներն էլ կարող են ընդգրկվել: Պարոն Վարդան Այվազյանին էլ կընդգրկենք, որովհետև ինքը մաքուր ու անբասիր պատգամավոր է բազմակուսակցական»: Նա նաեւ հեգնանքով ու ժպիտով հիշեցրեց, որ Վարդան Այվազյանը «հանքերի հայր է»:
ԱԺ նախագահն էլ Վարդան Այվազյանին հորդորեց. «Կհանգստանա՞ս, Այվազյան»:
Արդեն ընդմիջմանը, միջանցքում Արամ Մանուկյանի եւ Վարդան Այվազյանի միջեւ լեզվակռիվ սկսվեց: Երկխոսությունը ներկայացնում ենք առանց մեկնաբանությունների.
Կարդացեք նաև
Վարդան Այվազյան- Ես փող բերող տղա եմ, գնում եմ, քաղաքական գործիչ եմ, ասում եմ՝ արի էս երկրում փող դիր: Գալիս է, իմ խոսքով դնում է, բայց քո խոսքով չի դնում:
Արամ Մանուկյան – Քո վրա ե՞ն բիզնես դնում:
Վարդան Այվազյան- Իմ վրա չի դնում, երկրի վրա է դնում: Ես սեփականություն ունեցել եմ այն ժամանակ, երբ որ սկսել եմ աշխատել:
Արամ Մանուկյան- Բիզնես ունե՞ս, թե չունես:
Վարդան Այվազյան- Կարմիր դիպլոմով գրուզչիկ եմ աշխատել, միանգամից չեմ եկել մինիստր աշխատել:
Արամ Մանուկյան- Օրենքը պահի:
Վարդան Այվազյան- Օրենքով եմ աշխատել: Կարմիր դիպլոմով գրուզչիկ եմ աշխատել, քո պես միանգամից պատրաստի չեմ ստացել:
Արամ Մանուկյան-Մի գողացի:
Վարդան Այվազյան- Գողացածս հլա մի տեղ ցույց տուր:
Լրագրողներից մեկը հիշեցրեց մամուլի, մասնավորաբար «Հետքի» հրապարակումները: Այվազյանը բարկացած վրա բերեց. «Փողը վեկալեց գրեց: Էդ ինչ որ գրել ա, տալիս եմ քեզի»: «Ինձ պետք չեն»,- ասաց լրագրողը: Այվազյանը շարունակեց.«էդ հանքերը տալիս եմ քեզի: Իմ առողջությունս, իմ դուխս դնում եմ, ապրում եմ»: «Դե տենց էլ շարունակեք ապրել»,- ասաց լրագրողը: «Ես տենց էլ անում եմ, դու ես վնգստում»,- ասաց Այվազյանը:
Նելլի ԳՐԻԳՈՐՅԱՆ
Տեսանյութը՝ Yerkir.am-ի
Հիմա սա մեր նախագահի բնորոշմամբ հանրապետական կուսակցության ինտելեկտուալ, թե սովորական թևի ներկայացուցիչն է ??? Թող լրագրողները չմոռանան հարցնել բրեժնևյան ոճով նախագահի մյուս ասուլիսի ժամանակ:
Վարդան Այվազյանի և լրագրողուհու պահվածքը իրար շատ համարժեք էին: Ցավոք սրտի:
30 Միլիոն դոլլարը հիմա ինչ փող ա որ խեղճ Վարդանի հետևից են ընկել՝ շատ էլ ԱՄՆ դատարանը հաստատել ա էդ փաստը:
ԱՄՆ-ի դատավորները կաշառակերներ են թող մեր երկրում դատեին կտեսնեիք բոլորդ որ Վարդանը ազնիվ մաքուր և օրինապաշտ հանցագործ է:
Կեցցե ՀՀ դատական համակարգը այստեղ մենք իսկապես պարծենալու բան ունենք:
Anna, առանց ամաչելու՝, այդ անառակաբարո բոմժի, ,, որի մասին այնքան հանցագործություններ է
բացահայտվելու, որքան լիսկա կոչեցյալ կենդանու մասին է,, պահվածքը համեմատում ես մի անձի
հետ, որը փորձում է տգետներին, թալանչիներին ցույց տալ իրենց ով լինելը: Ինձ համար ամոթ է, որ
քեզ նման մտածողներ կան, և մեծ պատիվ, որ այդպիսի լրագրողներ ունենք: