Այսօր «Ազդակ» ակումբում «Լեւ գրուպ» իրավաբանական ընկերության տնօրեն Լեւոն Բաղդասարյանը խոսեց «Ռուս-Արմենալ» ալյումինի գործարանի բանվորների աշխատանքային իրավունքների խախտումների եւ գործարանատերերի կողմից վերջիններիս նկատմամբ սպառնալիքներ հնչեցնելու մասին:
«Ռուսալ-Արմենալ» գործարանի թվով 105 բանվորների գործով հայաստանյան դատարաններն իրարամերժ դատական ակտեր են կայացրել: Ընդհանուր իրավասության դատարանը բազմակողմանիորեն քննելով գործը ՝ գտավ, որ գործարանը պարտավոր է օրենքի ուժով վճարել բանվորներին ամսական հավելավճարներ, իսկ վերաքննիչ քաղաքացիական դատարանը գտավ, որ ամսական հավելավճարները գործարանը չպետք է վճարի: ՀՀ վճռաբեկ դատարանը ձեռքերը լվաց եւ չցանկացավ խորանալ գործի մեջ` վերադարձնելով բողոքը»,- հայտնեց Բաղդասարյանը հավելելով, որ գործն ուղարկվելու է նաեւ Մարդու իավունքների Եվրոպական դատարան:
Բաղդասարյանը նաեւ հավելեց, որ գործատուն ոչ միայն չգնաց ընդառաջ աշխատողներին, այլեւ սպառնաց զանգվածային ազատումներով, ասելով` «աշխատում եք աշխատեք, թե չէ Աֆրիկայից էժան աշխատուժ կբերեմ, մենք էլ ձեզ դատի կտանք…»:
Բաղդասարյանը հեռակա դիմելով ՀՀ վարչապետին, ասաց, որ վերջինս պետք է հանձնարարի լսելու «Ռուսալ-Արմենալի» աշխատողների բողոքները, փաստերի իսկությունը:
Կարդացեք նաև
Եվա ՀԱԿՈԲՅԱՆ
Նայեք նկարին, ամեն ինչ պարզ կլինի: