Սերգեյ Հարությունյանը կալանավորվել էր անցյալ տարվա հոկտեմբերի 18-ին Երեւանի Թբիլիսյան խճուղում գտնվող «Էթնա» ռեստորանային համալիրի հարող տարածքում 27-ամյա Արսեն Շահբազյանի սպանության գործով:
ՀՀ ոստիկանության ՔԳՎ Արաբկիրի քննչական բաժնում անցյալ տարվա հոկտեմբերի 19-ին հարուցվել էր քրեական գործ՝ ՀՀ քրեական օրենսգրքի 104 հոդվածի 1-ին մասի հատկանիշներով:
Ամբաստանյալներից երեքի` Կարեն եւ Արմեն Հարությունյանների, Անուշավան Հովհաննիսյանի նկատմամբ հետագայում ընտրվել էր ստորագրություն քաղաքից չբացակայելու մասին խափանման միջոցը: Մինչ այդ նրանք կալանավորված էին:
Կասկածյալներից՝ Մեսրոպ Խառատյանն ու Վաղինակ Հարությունյանը հետախուզման մեջ են:
Կարդացեք նաև
«Վիվարո» ընկերության համակարգչային սեկտորի վարիչ Սերգեյ Հարությունյանի պաշտպան, ՀՀ փաստաբանների պալատի անդամ Հովհաննես Հարությունյանն (լուսանկարում) Aravot.am-ին տեղեկացրեց, որ քրեական գործով շուրջ 6 ամիս անհիմն կալանքի տակ գտնված մեղադրյալ Սերգեյ Հմայակի Հարությունյանի նկատմամբ ընտրված խափանման միջոց կալանքը փոխվել է, և նրա նկատմամբ, որպես խափանման միջոց ընտրվել է ստորագրություն բնակավայրից չհեռանալու մասին:
Պաշտպանն ասաց, որ միջնորդություն է ներկայացվել Սերգեյ Հարությունյանի մասով քրեական գործը կարճելու մասին, որը դեռևս քննության ընթացքում է:
Հիշեցնենք, որ Ս.Հարությունյանը կամավոր էր ներկայացել ոստիկանության բաժին, եւ տվել էր ինքնախոստովանական ցուցմունքներ:
Ռուզան ՄԻՆԱՍՅԱՆ
