Ավան և Նոր-Նորք վարչական շրջանների ընդհանուր իրավասության դատարանում՝ Արսեն Բաբայանի նախագահությամբ, այսօր մերժվել է Հրանուշ Խառատյանի հայցն ընդդեմ Ռուբեն Հայրապետյանի:
Հիշեցնենք, որ Հ.Խառատյանը պատասխանողից պահանջում էր իրեն հասցված վիրավորանքի համար հրապարակայնորեն ներողություն խնդրել, իսկ զրպարտությունը հերքել, իսկ թե ինչ միջոցով՝ հայցվորի ներկայացուցիչը թողել էր դատարանի հայեցողությանը:
Վեճը ծագել էր Ազգային ժողովի արդեն նախկին պատգամավոր, ՀՖՖ նախագահ Ռուբեն Հայրապետյանի՝ օգոստոսի 11-ին Nouvelles d’Armenie ամսագրին տված աղմկահարույց հարցազրույցի պատճառով, որտեղ Հայրապետյանի հնչեցրած որոշ արտահայտություններ Հ.Խառատյանի գնահատել է որպես իրեն ուղղված վիրավորանք եւ զրպարտություն։
«ՓԱՍՏԻՆՖՈ»
