Անցած տարի մայիսին DIY ակումբի հրդեհման գործով դատավարությունը առաջիկա օրերին է լինելու:
Մոտ մեկ տարի տեւած նախաքննությունից հետո գործը ամիսներ առաջ մտել է Կենտրոն եւ Նորք -Մարաշ վարչական շրջանների ընդհանուր իրավասության դատարան: Այս մասին Aravot.am-ին ասաց «Հանրային տեղեկատվություն եւ գիտելիքի կարիք» (Pink Armenia) հ/կ ղեկավար Մամիկոն Հովսեփյանը:
Դատական առաջին նիստը, Մ. Հովսեփյանի խոսքերով, դեռ նշանակված չէ: Նա դժգոհեց, որ նախաքննությունը շատ է ձգձգվել, բայց այլ մանրամասներ չներկայացրեց: Միայն հավելեց, որ ակումբի հրդեհման գործով տուժողը դիմել է նաեւ Մարդու իրավունքների եվրոպական դատարան:
Արփինե ՍԻՄՈՆՅԱՆ
Կարդացեք նաև
