Այսօր «Ելակետ» ակումբում «Երիտասարդները եւ ՀՀ բնապահպանական հիմնախնդիրները. կայուն զարգացումը՝ որպես լուծման ուղղի» թեմայով խոսեցին
«Հանուն կայուն մարդկային զարգացման» հկ նախագահ Կարինե Դանիելյանը, նույն հկ-ի երիտասարդական թեւի նախագահ Լիանա Ներսիսյանը, Արեւելյան Եվրոպայի զարգացման եւ համագործակցության ցանցի խորհրդի անդամ Հմայակ Առաքելյանը:
Դանիելյանի տեղեկացմամբ գնալով էկոլոգներին ավելի լուրջ են վերաբերվում, եւ այս ոլորտում բավականին ակտիվ երկրներ կան, որոնցից մեկը Գերմանիան է, ում հետ էլ իրենք համագործակցում են: «Անցյալ ամսվա վերջին Բեռլինում կայացավ մի հետաքրքիր հավաք, հրավիրված էր փորձագիտական խումբ, որտեղ Եվրոմիության, Մեծ Բրիտանիայի, Իսպանիայի, Ռուսաստանի, Ուկրաինայի եւ այլ երկրների ներկայացուցիչներ էին: Ես հնարավորություն տեսա այս գործընթացներում՝ նաեւ Արցախի մասնակցությունը»,- նշեց Դանիելյանը՝ ավելացնելով, որ նպատակը դրական փորձի փոխանակումն էր, խնդիրների լուծումը, կայուն զարգացման ցուցանիշների չափելիությունը եւ այլն:
Գերմանիայում կայացած հավաքը շատ օգտակար էր՝ հավելեց Դանիելյանը:
Կարդացեք նաև
Դանիելյանի փոխանցմամբ` այսօր էկոլոգիական լուրջ խնդիրներ կան Հայաստանում, որոնցից են ձկների, ձկնաբուծության հետ կապված հարցերը, ինչպես նաեւ Երեւանի շենքերի սեյսմակայունությունը, առաջ է գալիս Հանրապետության հրապարակի հարցը, այսինքն` ըստ նրա, սրանք խնդիրներ են որոնց դեմ պետք է պայքարել:
Եվա ՀԱԿՈԲՅԱՆ
