ՆԺԿ նախագահ Արամ Կարապետյանը ներքաղաքական պասիվությունը պայմանավորում է երկրում ստեղծված ընդդիմադիր իրավիճակով:
«Խելոք ընդդիմությունը, որ բոլոր գործընթացներում կա, բայց չի երեւում , հստակ հասկանում է՝ ո՞ր իրավիճակն է ընդդիմադիր եւ ինչո՞ւ մտնել այս ամեն ինչի մեջ, եթե այնպես էլ ամեն ինչ այդ ուղղությամբ է գնում: Հայաստանի իշխանությունների ամենաընդդիմադիրը հենց իրենք են՝ իրենց անմիտ որոշումներով, իսկ Հայաստանի ամենաընդիմադիր մարդը վարչապետ Տիգրան Սարգսյանն է: Որովհետեւ նրա գործողություններից ավելի լավ իրավիճակը բերել ավելի պայթունավտանգ վիճակի ոչ ոք չի կարող: Թող ոչ մի ընդդիմադիր գլուխ չգովի, ոչ մեկ այսօրվա կառավարության պես չի կարող իրավիճակը դարձնել այսքան պայթունավտանգ: Դրա համար խելոք ընդդիմությունն ի՞նչ անի հիմա՝ պետք է սպասի, գործողությունների շարքը ցույց է տալիս, որ իշխանությունները երկու բան շատ լավ են անում: Հենց դրսի ու ներսի ճնշումն ավելանում է, բոլոր հակասական խմբերը միանում են եւ երկրորդ՝ կրակում են»,- այսօր «Տեսակետ» ակումբում ասաց պարոն Կարապետյանը:
Նրա խոսքերով, քաղաքացիների համար ստեղծվել է էմոցիոնալ դաշտ, եւ այս անգամ հեղափոխությունը չի սահմանափակվելու Մաշտոցի պողոտայի վերեւով. «Էլի ցավոք սրտի, իշխանություններն այլ բան չեն գտնելու, բացի՝ կրակելուց: Որովհետեւ իրենց պատկերացմամբ, այդ կրակելը դեռ կարելի է մարսել եւ այդ գործընթացը շարունակական դարձնել ու մնալ իշխանության… Իշխանությունը պետական բոլոր գործիքները դարձրել է իր հարստացման առարկա եւ նորմալ ադեկվատ միտք չի ուզում ընկալել: Այն, որ երեկ Գալուստ Սահակյանն ասում էր՝ ժողովուրդն է մեղավոր իր մենթալիտետով, ես մի բան չեմ հասկանում՝ այս իշխանությունն ո՞ւմ իշխանությունն է: Եթե մենթալիտետով այս ժողովուրդը լավ չէ, կարելի՞ է մտածել, որ այդ մենթալիտետով սխալ իշխանություն է ընտրել, ո՞նց կարող է վատ ժողովուրդը լավ իշխանություն ընտրել»:
ՆԺԿ նախագահի դիտարկմամբ, ընդդիմության համար Հայաստանում գործընթացները գնում են իդեալական հունով. «Այն ընդդիմության, որը պատրաստվում է իշխանափոխության եւ սրան միջամտել միայն խելագարը կարող է… Սերժ Սարգսյանն ինչքան էլ իրեն պատեպատ խփի, մի պահի պետք է ընդունի քաղաքական որոշումներ՝ թե միությունների հետ կապված, թե ներքին կյանքի հետ կապված: Ինչքան էլ սիրի Սյունիքի նախկին մարզպետին, հետն ունենա հարյուրավոր հարաբերություններ, գալիս է մի պահ, երբ ստիպված է լինում քաղաքական որոշումներ կայացնել »:
Կարդացեք նաև
Արփինե ՍԻՄՈՆՅԱՆ
