Կենտրոն եւ Նորք-Մարաշ վարչական շրջանների ընդհանուր իրավասության դատարան այսօր չէին ներկայացել Պարույր Հայրիկյանի դեմ հունվարի 31-ին մահափորձի գործով մեղադրվող, ամբաստանյալներ Վարդան Սեդրակյանը, Խաչիկ Պողոսյանը եւ Սամվել Հարությունյանը: Դատական նիստերի քարտուղարը տեղեկացրեց, որ Խաչիկ Պողոսյանի վերաբերյալ քրեակատարողական հիմնարկից ստացվել է գրություն, որ նա չի կարող մասնակցել դատական նիստին: Բժշկական տեղեկանքի համաձայն, կալանավորը տառապում է շաքարային դիաբետ հիվանդությամբ:
Դատավոր Գագիկ Պողոսյանի հանձնարարությամբ այդ իսկ պատճառով մյուս ամբաստանյալները չէին տեղափոխվել ՔԿՀ-ից դատարան:
Մեղադրանքը պաշտպանող Արամ Ամիրզադյանը, երեկվա նիստին հղում անելով, ասաց, որ ամբաստանյալը ինքն է հայտնել, որ անալիզների հանձնում եւ հետազոտում պիտի լիներ այսօր: Սակայն, ըստ դատախազի, իր տեղեկություններով՝ ՔԿՀ-ում պահվող Խաչիկ Պողոսյանի վերաբերյալ այսօր պլանային ստուգում, անալիզի հանձնում նախատեսված չի եղել: Ըստ Արամ Ամիրզադյանի, շաքարն իջեցնող դեղամիջոց հաբերը չեն օգտագործվում ամբաստանյալի կողմից, իսկ հաբերի ընդունել-չընդունելը վերահսկելը հնարավոր չէ: Այսօր դատարան էր եկել բոլոր հանրահավաքներին ներկա գտնվող Տատին (լուսանկարում). սակայն նրա «բախտից», դատական նիստը հետաձգվեց: Այն նշանակվեց հունիսի 17-ին:
Ռուզան ՄԻՆԱՍՅԱՆ
Կարդացեք նաև
