Իսպանիայի ԶԼՄ-ները տեղեկացնում են, որ «Բարսելոնայի» առաջատար եւ աշխարհի լավագույն ֆուտբոլիստ Լիոնել Մեսսին մեղադրվում է պետությանը հարկերը վճարելուց խուսափելու մեջ:
Պարզվում է, որ Մեսսիների ընտանիքը գովազդների իրավունքների վաճառքից ստսցած եկամուտից հարկեր չի վճարել 2007-2009 թվականներին: Լիոնելի հայրը եկամուտները կեղծ ֆիրմաների միջոցով նախապես փոխանցել է օֆշորային գոտիներ: Ենթադրվում է, որ Իսպանիայի կառավարությունը Մեսսիից դատական կարգով կգանձի շուրջ 4 միլիոն եվրո: Սակայն որոշ աղբյուրներ գրում են պետությունից 13 միլիոն եվրո թաքցնելու մասին:
Աշոտ ՀԱԿՈԲՅԱՆ
