Բրիտանական British Petroleum ընկերությունը հրապարակել է իր ամենամյա «Համաշխարհային էներգետիկայի վիճակագրական ակնարկ 2013» զեկույցը, որտեղ նշվում է, որ 2012 թվականի արդյունքներով` Ռուսաստանի գազային պաշարը կազմում է 32.9 տրիլիոն խորանարդ մետր, սա այն դեպքում, երբ մեկ տարի առաջ այն գնահատվել էր 44.6 տրիլիոն: Ըստ այդ զեկույցի` Իրանը իր գազային պաշարներով հայտնվել է առաջին տեղում` 33.6 տրիլիոն խորանարդ մետրով, իսկ մեկ տարի առաջ`երկրորդ տեղում էր:
British Petroleum ընկերությունը նվազեցրել է Թուրքմենստանի գազային պաշարները՝ 24.3 տրիլիոնից, այն դարձնելով 17.5: Այս համատեքստում վերահաշվարկվել է Ղազախստանի, Ադրբեջանի, Ուզբեկստանի գազային պաշարների թվերը: Իսկ ընդհանուր առմամբ, գազի համաշխարհային ռեսուրսները 208.4 տրիլիոնից նվազել են մինչև 187.3:
Եվա ՀԱԿՈԲՅԱՆ
