Մեկնաբանելով Ուկրաինայի խորհրդարանում Հայոց ցեղասպանության ճանաչման մասին ներկայացված բանաձեւը, Ուկրաինայի նախագահին կից Հումանիտար խորհրդի անդամ Լարիսա Սկորիկն, ասել է, որ ինքն անձամբ վաղուց է սպասել դրան:
«Համոզված եմ, որ հայերի ցեղասպանության ճանաչումը միանգամայն անհրաժեշտ է», – ասել է Լարիսա Սկորիկը «Անալիտիկա» լրատվականին տված հարցազրույցում:
Նա նշել է, որ այն փաստը, որ օրինագծի հեղինակները տարբեր քաղաքական ուժերի անդամներ են, ցույց է տալիս, որ հարցի կարեւորության մասին առավելագույն ընկալում կա:
«Ցեղասպանությունների ճանաչումն ու դատապարտումն անհրաժեշտ է, որպեսզի այն կանխվի ապագայում: Պատմության դասերը չի կարելի անտեսել: Չէ որ այդ ծանր օրերին գտնվում էին մարդասեր անձիք, որոնք հայ երեխաներին կոտորածներից փրկելու համար վերցնում էին թուրքական ընտանիքներ, դա էլ է եղել ու դա էլ պետք չէ մոռանալ»:
Կարդացեք նաև
Ռադայում Հայոց ցեղասպանության մասին բանաձեւը գրանցվել է հունիսի 6-ին: Համար 2254 oրինագծի նախաձեռնողներն են պատգամավորներ Վիլեն Շատվորյանը եւ Արսեն Ավագովը:
Պատրաստեց Հովհաննես ԻՇԽԱՆՅԱՆԸ
