Հունիսի 12-ին մայրաքաղաք Երևանում կմեկնարկեն «Ժողովրդական դիվանագիտության առաքելություն» քաղաքացիական նախաձեռնության «Բոլոր գնում են Երևան» խորագրով միջոցառումները:
Այսօր «Մեցցո» ակումբում կայացավ այս միջոցառման հետ կապված առաջին ասուլիսը , որին մասնակցում էին Բորիս Բուրդան , Բորիսլավ Ստրուլյովը, Ալյեկսեյ Բոտվիենկոն , Վալերի Խանտը , Տատյան Մարկովան , Օլեգ Պլատոնովը , Իոսիֆ Ռաիխալգաուզը:
Օդեսայի քաղաքային խորհրդի մշակույթի եւ տուրիզմի բաժնի ղեկավար Տատյանա Մարկովան շնորհակալություն հայտնեց իրենց Հայաստանում հյուրընկալելու ու ջերմ ընդունելու համար :
Անվանի դաշնակահար Ալեքսեյ Բոտվինովը (լուսանկարում) նշեց , որ առաջին անգամ է Հայաստանում ու անհամբեր սպասում է հայ հադիսատեսի հետ հանդիպմանը :
Կարդացեք նաև
Հունիսի 11 -16-ը Հայաստան կժամանի շուրջ 600 մարդ, հյուրերից ավելի քան 350-ը՝ մշակութային գործիչներ են , որոնց շնորհիվ կկայանան 40 –ից ավելի միջոցառումներ Երեւանում , Գյումրիում , Ծաղկաձորում , Տաթեւում , Էջմիածնում եւ այլուր : Հայաստան գալու նպատակն է՝ ծանոթանալ տեղի մեր մշակույթի ու պատմության հետ , ինչպես նաեւ այստեղ ներկայացնել այլ ժողովուրդների մշակույթը:
Ծրագրի հիմնադիր Էստոնացի Մելիս Կուբիտսն կարեւորեց այն փաստը, որ ծրագիրը կապ չունի ոչ քաղաքական , ոչ էլ տնտեսական իրադարձությունների հետ : Միջոցառումների բուն նպատակն է մշակույթի միջոցով մարդկանց միասնական դարձնել:
Զեմֆիրա ՔԱԼԱՇՅԱՆ
