Ինչպես հայտնի է, «Հետք»–ը անդրադարձել էր գործարար Փայլակ Հայրապետյանի ունեզրկման հարցին։ Ըստ հետաքննող լրատվամիջոցի կատարած ուսումնասիրության արդյունքների՝ գործարարի ունեզրկումն ուղղակի առնչություն ունի Կիպրոսում գրանցված «WLISPERA HOLDINGS LIMITED» օֆշորային ընկերության հետ, որի բաժնետերերն են ՀՀ վարչապետ Տիգրան Սարգսյանը, Արարատյան թեմի առաջնորդ Նավասարդ արքեպիսկոպոս Կճոյանը եւ «ադամանդագործ» Աշոտ Սուքիասյանը։ Այս հրապարակման կապակցությամբ վարչապետն արդեն դիմել է դատախազություն՝ պահանջելով պարզել, թե ով է իր անունով օֆշորային կազմակերպություն գրանցել։
«Չորրորդ ինքնիշխանությունն» այս թեմայով զրուցել է ՀՅԴ խմբակցության ղեկավար Արմեն Ռուստամյանի հետ.
– Այն հանգամանքը, որ վարչապետը դիմում է դատախազություն պահանջով՝ պարզեր թե ո՞վ է իր անունից գրանցել կազմակերպություն, դա արդեն կասկած չի՞ հարուցում։
– Այսինքն, ինքն ինչ է ասում, ասում է՝ «հա, կարող է իմ անունից է, բայց ես կապ չունեմ դրա հետ»։ Իհարկե դա մի քիչ անհասկանալի է։ Մեր անունով ինչո՞ւ չեն գրանցում հարստություններ եւ փոխանցումներ չեն անում։ Բայց ինքը, ինչ-որ դավադրության տեսությունից ելնելով, ուզում է գործը այդ ուղղությամբ զարգացնել։
– Վերջին հաշվով կա գործարար, որը հայտարարում է, որ իրեն ունեզրկել են
Նավասարդ Կճոյանը, Տիգրան Սարգսյանն ու Աշոտ Սուքիասյանը։
– Ամբողջ խնդիրը հետեւյալում է. հայտարարելը մի բան է, իրավական հետապնդումով ամբողջական քննություն անելը եւ բացահայտելը՝ մեկ այլ բան։ Մենք այդ մասը չունենք, դրա համար այդ առիթից բոլորն օգտվում են։ Ասում է՝ «նա այն է ասում, ես էլ սա եմ ասում»:
Գոհար ՎԵԶԻՐՅԱՆ
Հոդվածն ամբողջությամբ կարող եք կարդալ «Չորրորդ ինքնիշխանություն» թերթի այսօրվա համարում:
Գոհար ջան կարողա գնանք ազգանուններս փոխենք սարգսյան դնենք հանկարծ մարդեսելի պատահական մեր անունովել բացեն հաշշշշշիվներ?
Տո ասա մեզ եդքան բախտ ու գելի ջիգյար որտեղից որ տենց բան անեն, մեր հալալ քրտինքով աշխատած աշխատավարձները չեն տալիս ինչ մնաց որ, “լեվի” փող փոխանցեն…