«Իրատես de facto»-ի հյուրն է «Հանրապետություն» կուսակցության նախագահ Արամ Զ. Սարգսյանը:
– 2008-ը ավարտվեց մարտի 1-ով, 2013-ին բարևեցին–հեռացան, 2018-ին հնարավո՞ր է, որ փակ շրջանակից դուրս գանք։
– 2008-ի ընդդիմադիր առաջնորդներին մեղադրում են, որ մարդկանց տարան կրակի բերան, 2013-ի ընդդիմադիր առաջնորդին մեղադրում են, որ առճակատման չգնաց, ո՞րն է լուծումը։ Եթե հստակ է, որ գործող իշխանությունն ինքն իրեն ավելի է սիրում, քան երկիրը, մտադիր չէ ոչինչ փոխել, միակ միջոցը հասարակական լայն զանգվածների փողոց դուրս գալն է դառնում։ Եվ դա, ի տարբերություն նախորդ ընտրությունների, պետք է արվի ոչ թե հետընտրական փուլում, երբ ամբողջ աշխարհը հորդորում է ընդդիմությանը դատական ճանապարհով լուծել խնդիրը, այլ նախընտրական։ Ընդդիմությունը պետք է ճիշտ ախտորոշի իրավիճակը և հստակ ներկայացնի բուժման ճանապարհներն ու լուծումները։ Ամենակարևորը այս պարագայում քաղաքական կամքն է, բոլոր խոսքերն արդեն ասված են՝ լավ կամ վատ. գործել է պետք։
– Քաղաքական էլիտայի փոփոխության անհրաժեշտություն տեսնո՞ւմ եք։
Կարդացեք նաև
– 21-րդ դարը քաղաքականությամբ զբաղվելու նոր մեխանիզմներ չի ստեղծել։ Քաղաքականությունը գործընթաց է, հարափոփոխ գործընթաց, քաղաքական դեմքերն էլ ժամանակի մեջ փոխվում են։ Բայց միանգամից ոչինչ չի լինում: Ճանապարհ պիտի անցնես, պայքարի փորձ պիտի ունենաս, դու պիտի ճանաչես, քեզ պիտի ճանաչեն: Քաղաքական դաշտի փոփոխությունը պիտի որոնել ոչ թե անհատների, այլ ստեղծված իրավիճակներից դուրս գալու առաջարկվող լուծումների մեջ: Նոր գաղափարների, հին հարցերի նոր լուծումների: Խնդիրը ոչ թե էլիտայի փոփոխությունն է, այլ գործընթացների ծրագրումը եւ իրագործումը:
Զրույցը՝ Անահիտ ԱԴԱՄՅԱՆԻ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
