Ի տարբերություն նախորդ տարվա` այս անգամ նրանք չեն միացել գործընկերներին
Հանրապետության փաստաբանների իրականացրած երկօրյա դատադուլին Լոռու մարզի փաստաբաններից միացել է միայն Կարեն Թումանյանը:
«Ես միացել եմ այն տրամաբանությամբ, ինչ տրամաբանությամբ հայտարարությունը եղել է, ես միացել եմ այդ հայտարարությանը»,-մեզ հետ զրույցում ասում է փաստաբանը:
Հակառակ դրան` փաստաբան Ռուբեն Հակոբյանը Լոռու մյուս փաստաբանների նման հրաժարվել է մասնակցել դատադուլին:
Կարդացեք նաև
Այսօր եւ վաղը ՀՀ մի խումբ փաստաբաններ դատադուլ են հայտարարել` այդկերպ իրենց բողոքն արտահայտելով ՀՀ վճռաբեկ դատարանի գործելակերպի դեմ: https://www.aravot.am/2012/06/11/80291/
«Մենք չենք միացել դատադուլին ոչ այն պատճառով, որ մեզ չի անհանգստացնում Վճռաբեկի կամայական գործելակերպը, այլ չենք միացել, քանի որ համաձայն չենք բողոքի ձեւին. փաստաբանների բողոքը ՀՀ փաստաբանների պալատի ընդհանուր նախաձեռնությունը չէ, այլ մի քանի փաստաբանի, այն էլ առանց նյութերի նախապատրաստման»:
«Չեմ ցանկացել մասնակցել, թեեւ Վճռաբեկի հարցը ակտուալ է, եւ լուծման կարիք ունի: Ցանկանում եմ, որ իմ կոլեգաների նախաձեռնությունը արդյունք տա»,-մեզ հետ զրույցում ասում է փաստաբան Գուրգեն Հարությունյանը:
Անուշ ԲՈՒԼՂԱԴԱՐՅԱՆ
