Արդեն երկու ամիս է, ինչ Վրաստանում տարածված է կարմրուկ հիվանդությունը: Հայ-վրացական սահմանի Բագրատաշենի մաքսակետում առողջապահության նախարարության հիգիենիկ եւ հակահամաճարակային տեսչությունն ունի կարանտինային կետ:
Հունիսի 8-ին մենք ականատես եղանք, որ կարանտինային կետի աշխատակիցները կանգնեցնում են Վրաստանից Հայաստան մտնող ավտոմեքենաները, տեսնում, թե դրանց ուղեւորների մեջ երեխաներ եւ մինչեւ 25 տարեկան անձինք կա՞ն: Այդ տարիքի անձինք կարանտինային կետում կարմրուկի ստուգում են անցնում:
Ոսկան ՍԱՐԳՍՅԱՆ
