«Ի սկզբանե բոլորին հասկանալի էր, որ այստեղ արհեստականություն կա, այդ գործը դեռ երկար ժամանակ հակասական տեղեկությունների աղբյուր կլինի մեր հանրության համար, այդ ամենը իմ կարծիքով գտնվում է քաղաքականությունից դուրս: Դա այն մեթոդներն ու մեխանիզմներն են, որոնց միջոցով հանրությունը ապակողմնորոշվում է եւ սկսում է չտարբերել, որտեղ է քաղաքական խնդիրը, եւ որտեղ արհեստական ստեղծված իրադարձությունը»,- Aravot.am-ի հետ զրույցում անդրադառնալով Պարույր Հայրիկյանի, Վարդան Սեդրակյանի գործի փոփոխված ընթացքին, ասաց Անդրիաս Ղուկասյանը:
Նաեւ նշեց, «Սեդրակյանին պարգեւատրում է հասնում այն լոգիկայում, որ արհեստական պրոցեսում այդ մարդը համաձայնվեց մասնակից լինել: Ի վերջո հատուցումն ո՞վ է անում: Հատուցումն անում է մեղավոր կողմը , եթե Հայաստանի Հանրապետությունը հատուցել է Հայրիկյանին, ուրեմն ճանաչել է իրեն որպես մեղավոր կողմ»:
Ղուկասյանի խոսքով Վարդան Սեդրակյանը նույնպես հնարավորություն կունենա պետությունից պահանջել իր բարոյական վնասի, ազատությունից զրկվելու համար փոխհատուցում:
Կարդացեք նաև
Եվա ՀԱԿՈԲՅԱՆ
