Մի խումբ փաստաբանների կողմից իրականացվող գործադուլին նվիրված հանրային քննարկման ընթացքում, որն անցկացվում էր «Կոնգրես» հյուրանոցում՝ նախաձեռնող խմբի անդամ, ՀՀ փաստաբանների պալատի անդամ Հայկ Ալումյանն ասաց, որ գործադուլին մասնակցում են 201 փաստաբաններ:
Գործադուլը 46 փաստաբանների նախաձեռնությամբ է կազմակերպվել: Հանրային քննարկմանը ներկայացուցիչներ կային Մարդու իրավունքների պաշտպանի գրասենյակից, «Համալսարանական կրթության ասոցիացիա» հասարակական կազմակերպությունից, ինչպես նաեւ ՀՀ վճռաբեկ դատարանի դատական դեպարտամենտից՝ Արսեն Բաբայանի գլխավորությամբ: Բացման խոսքով հանդես եկած ՀՀ Փաստաբանների պալատի անդամ Լիպարիտ Սիմոնյանն «բարի գործադուլային երկու օր» ցանկացավ :
Հայկ Ալումյանն էլ ասաց, որ անցյալ տարի նույն այս օրը 550 փաստաբան մասնակցեց գործադուլին, սակայն ոչինչ չփոխվեց՝ իշխանության երեք ճյուղեր անտարբեր գտնվեցին:
Հայկ Ալումյանի կարծիքով վճռաբեկ դատարանի նկատմամբ կարծիքը ձեւավորվել է բազմաթիվ գործերի արդյունքում. «Առաջին ատյանում պարտությունն այնքան չի ազդում քաղաքացու վրա, որքան վճռաբեկից առանց պատճառաբանության նրա բողոքը վերադարձնելը»:
Կարդացեք նաև
Հայկ Ալումյանը հղում արեց ՄԻՊ-ի գնահատականին, ըստ որի՝ բնակչության յոթանասուն տոկոսը չի վստահում դատական համակարգին:
Ըստ Հ.Ալումյանի, եթե վճռաբեկն անտեսի փաստաբանների բողոքը, գտնելով, որ բողոքը գոյություն ունի միայն փաստաբանների ուղեղներում, թվերն ավելի մտահոգիչ կդառնան:
Ռուզան ՄԻՆԱՍՅԱՆ
Մանրամասներն առաջիկայում
