Հունիսի 8-ին Վրաստանի Մառնեուլիի շրջանի Թեքալի գյուղում կայացավ հասարակական լսում «Լրագրողները Ղարաբաղյան հակամարտությունում՝ խաղաղարարնե՞ր, թե՞ հրձիգներ» թեմայով: Միջոցառումը կազմակերպվել էր «Ժողովրդավարության աջակցության ազգային ֆոնդի» (NED) աջակցությամբ, կազմակերպիչներն էին «Հանուն քաղաքացիական հասարակության կանանց ալյանսը» (Ադրբեջան), «Խաղաղարար նախաձեռնությունների կովկասյան կենտրոնը» (Հայաստան) եւ «Հասարակական լսումների Կովկասյան կենտրոնը» (Վրաստան): Զեկուցումով հանդես եկան լրագրող Քյամալ Ալին(«Ադրբեջան» ) , Խաղաղարար նախաձեռնությունների կովկասյան կենտրոնի հասարակության հետ կապերի մենեջեր Լուիզա Պողոսյանը (Հայաստան) եւ լրագրող Ամալյա Օհանջանյանը(«Վրաստան»): Զեկուցումներից եւ քննարկումից հետո Խաղաղարար նախաձեռնությունների կովկասյան կենտրոնի տնօրեն Գեորգի Վանյանը հայտարարեց. « Հունիսի վերջին եվրոպական մայրաքաղաքներից մեկում, այդ երկրի խորհրդարանում կքննարկվի Թեքալիի գործընթացը՝ որպես հարավկովկասյան հակամարտությունների լուծման սոցիալական մոդել: Այդ միջոցառումից հետո Թեքալին եւ Թեքալիի գործընթացն ավելի լայնորեն կլուսաբանվեն :
Ոսկան ՍԱՐԳՍՅԱՆ
