Օլիմպիական խաղերի եռակի չեմպիոնուհի, ռուսաստանցի Անֆիսա Ռեզցովան «Спорт-Экспресс»-ին տված հարցազրույցում հայտարարել է, թե ժամանակակից սպորտում առանց արգելված խթանիչներ օգտագործելու շոշափելի հաջողությունների հասնել հնարավոր չէ:
Նրա կարծիքով, հենց այդ խնդրի, ինչպես նաեւ դրամական հարաբերությունների պատճառով օլիմպիական մեդալի իմաստն արժեզրկվել է եւ արդեն այն չէ, ինչ առաջ էր: «Թե սպորտում այսօր ինչ է կատարվում, հայտնի է բոլորին: Եթե ցանկանում ես ինչ-որ բանի հասնել, առանց դոպինգի չես կարող: Մեդալն ընդհանրապես արժեզրկվել է հենց նույն դոպինգի եւ փողի պատճառով: Ամեն բան հավասարեցվել է առ եւ տուր սկզբունքին: Խնդիրն այն է, թե ո՞վ՝ ո՞ւմ համար կվճարի», – խոստովանել է ճանաչված բիաթլոնիստուհին:
Աշոտ ՀԱԿՈԲՅԱՆ
