«Դեպքի օրը Սյունիքի մարզպետարանը չի աշխատել: Բոլոր նրանք, ովքեր, որ տեղում չեն եղել, պետք է դատվեն: Ինչ իրավունք ունեն նրանք իմանալու`որտեղ է գտնվում Սյունիքի մարզպետը: Նրանք պետք է իրենց տեղում լինեն, ոչ թե Սուրիկ Խաչատրյանի ծառաները: Կառավարությունը պետք է նրանց ազատեր աշխատանքից, չէ՞ որ իշխանության հեղինակության հարց էլ կա այստեղ: Ստացվում է, որ ոչ թե կառավարման աշխատակիցներ են, այլ ինչ-որ մեկի ծառան կամ կլանի անդամներ: Եթե ես լինեի վարչապետ, հաջորդ օրը կքննարկեի նրանց հարցը»,-այսօր այս մասին «Զարկերակ» մամուլի ակումբում խոսելով Գորիսի դեպքերի, մասնավորապես մարզպետարանի աշխատակիցների վկայությունների մասին, բորբոքված ասաց քաղաքագետ Լեւոն Շիրինյանը:
Բանախոսը զարմանք է ապրում, թե ինչպես կարելի է թիկնազորով աշխատել սեփական երկրում. «Իհարկե, կան ոլորտներ, բնագավառներ, որոնք պահանջում են, բայց ոչ սա: Ոչ բոլոր պաշտոնյաները պետք է զենք կրեն ու թիկնապահներ ունենան: Չպետք է վախենալ սեփական ժողովրդից, պետք է մեր պաշտոնյաներն էլ մեզ նման քայլեն, աշխատեն քաղաքում»,- ասաց քաղաքագետը:
Ըստ բանախոսի` այսօր պետականության լեգիտիմությունը դրվում է հարցականի տակ, որն ազգային աղետի նշան է: Ըստ նրա` այն մարդիկ, ովքեր ձեռք են բարձրացրել բանակի վրա, նրանք ունակ են ամեն ինչ անելու: «Ի՞նչ իրավունք ունեն սպայի վրա ձեռք բարձրացնել: Բանակը, եթե պաշտպանված չէ, ի՞նչպես է հայրենիք պաշտպանելու: Բանակը պետք է պաշտպանվի հասարակության կողմից»,- ընդգծեց պրն Շիրինյանը:
Այսօրվա դեպքերը քաղաքագետը նմանեցնում է 1915 թ. իրավիճակին: «Իմ հարեւանին տարել են, ինձ չեն տարել` ուրեմն ամեն ինչ լավ է: Հասարակությունը պետք է անընդհատ պահանջատեր լինի»,- մանրամասնեց բանախոսը, հավելելով, որ Հայաստանում առկա ներկա վիճակը մեր պետությանը դարձնում է արտաքին ուժերի կողմից ավելի կառավարելի:
Կարդացեք նաև
Քրիստինա ՄԻՐԶՈՅԱՆ
ՀարգելիԼեւոն Դուք վարչապետ չեք լինի, երկու հստակ պատճառով.
1.
1.Դուք հայ մարդ եք:
2.Դուք
Դուք ուղեղ ունեք: