Կառավարության երեկվա նիստում որոշվել է Արմավիրի մարզի՝ կարկտահարությունից տուժած 23 գյուղերի սոցիալապես անապահով ընտանիքներից յուրաքանչյուրին միանվագ 50 հազար դրամ օգնության հատկացնել: Այդ նպատակով հատկացվելու է 80 միլիոն դրամ։
«ՉԻ» – Հիշո՞ւմ եք «Չի կարող պատահել» ֆիլմի այն դրվագը, որտեղ հերոսը խոստանում է վերադարձնել խաբված «փեսացուի» փողերը։ Ասում է «Լավ, լավ, ես կվերադարձնեմ։ Կեսը։ Հետո»։ Հիմա տեսեք՝ մեր կառավարությունն իբր օգնություն է հատկացնում։ Բայց՝ միայն կարկտահարությունից 100 տոկոսով տուժած գյուղերին (50 կամ 80 տոկոսով տուժած գյուղերի հետ գործ չունի): Այն էլ՝ միայն սոցիալապես անապահով ընտանիքներին (կարծես կարկուտը մի քիչ ապահովվածներին չի վնասել): Այն էլ՝ 9 ամսվա ընթացքում։ Այն էլ միայն 50 հազար դրամ։
Չնայած՝ էլի լավ ենք պրծել։ Կարող էր, չէ՞, կառավարությունն օգնել միայն կարկուտից տուժած եւ սոցիալապես անապահով այն ընտանիքներին, որոնց անդամներից գոնե մեկի անունը սկսվում է «ճ» տառով, ձախ ականջի հետեւում էլ խալ ունի։
Հոդվածն ամբողջությամբ կարող եք կարդալ «Չորրորդ ինքնիշխանություն» թերթի այսօրվա համարում
