Ինչպես արդեն տեղեկացրել ենք Հայաստանի Քաղաքացիական հասարակության ինստիտուտը մայիսի 23-27-ը Թուրքիայում Մարդու իրավունքների միջազգային ֆեդերացիայի 38-րդ համագումարում ներկայացրել է ցեղասպանության ճանաչման վերաբերյալ բանաձեւ: Բանաձեւը Հայաստանի Քաղաքացիական հասարակության ինստիտուտի, Թուրքիայի Մարդու իրավունքների ասոցիացիայի և Մարդու իրավունքների հիմնադրամի համատեղ նախաձեռնությունն էր:
Այն կոչ է անում ընդունել Հայոց ցեղասպանությունը, վերջ տալ Հայաստանի շրջափակմանը՝ առանց որևէ նախապայմանների եւ անմիջական քայլեր ձեռնարկել Հայաստանի և Թուրքիայի միջև դիվանագիտական հարաբերություններ ստեղծելու ուղղությամբ։
Ինստիտուտի խորհրդի նախագահ Արտակ Կիրակոսյանը Aravot.am-ին ասաց, որ բացի բանաձեւից ինքը ներկայացրել է նաեւ տարածաշրջանում մարդու իրավունքների պաշտպանությանը խոչընդոտող խնդիրներից ոմանք. «Ներկայացրի՝ ինչ է տեղի ունեցել վերջին երեք տարիներին: Ես նշեցի, որ 2010-ին համագումարի շատ մասնակիցներ, որոնք այս անգամ էլ էին մասնակցում, հարց էին բարձրացնում Հայաստանում քաղբանտարկյալներին ազատելու վերաբերյալ: Զեկուցեցի, որ այն քաղբանտարկյալները, որոնց ազատ արձակման համար պայքարում էին, ազատ են արձակվել , նրանցից երկուսը դարձել են Աժ անդամ»:
Համագումարին մասնակցել են տասնյակ երկրների իրավապաշտպաններ:
Կարդացեք նաև
Մայիսի 30-ին բանաձեւը վավերացվել է:
Արփինե ՍԻՄՈՆՅԱՆ
