Նրանց 90-95 տոկոսը գյուղական համայնքների բնակիչներ են:
Լոռու մարզում ապրող 927 հաշմանդամություն ունեցող երեխաներից 41-ը դպրոց չի հաճախում:
Այդ մասին Aravot.am-ին տեղեկացրեց Լոռու մարզպետարանի ընտանիքի, կանանց եւ երեխաների իրավունքների պաշտպանության բաժնի պետ Նարեկ Սարգսյանը` նկատելով, որ այդ երեխաների 90-95 տոկոսը գյուղական համայնքների բնակիչներ են:
Կարդացեք նաև
Նա նշում է, որ թեեւ հաշմանդամություն ունեցող երեխաների ծնողները բարձրաձայնել են, որ դպրոց չհաճախող երեխաների մեծ մասը ի վիճակի չեն քայլելու, չեն խոսում, ունեն խորը մտավոր հետամնացության աստիճանի հիվանդություններ եւ գամված են անկողնում, այնուամենայնիվ, ըստ նրա, որպես կանոն, ծնողները հակված են թաքցնելու իրենց երեխաներին. «Այդ երեխաների 90-95 տոկոսը գյուղական համայնքներից են: Ծնողները կամ սոցիալական ծանր վիճակից ելնելով չեն կարողանում երեխային հասցնել դպրոց, ծնողներ էլ են կան, որ խուսափում են երեխաներին դուրս բերել հասարակություն»,-ասում է Նարեկ Սարգսյանը:
Անուշ ԲՈՒԼՂԱԴԱՐՅԱՆ
