ՄԱԿ-ում Ռուսերեն լեզվի օրվան նվիրված այսօր Հայ-Ռուսական (Սլավոնական) համալսարանում միջոցառում անցկացվեց, որի ընթացքում ուսանողները հանդես եկան ռուս մեծանուն գրող Ալեքսանդր Սերգեևիչ Պուշկինի ստեղծագործություններով, ինչպես նաև ներկայացրին առանձին մի քանի երաժշտական համարներ:
Միջոցառումը կազմակերպվել էր ՄԱԿ-ի Հանրային տեղեկատվության վարչության և Հայ-Ռուսական (Սլավոնական) համալսարանի կողմից:
Հայ-Ռուսական (Սլավոնական) համալսարանի ռեկտոր Արմեն Դարբինյանի խոսքով` միջոցառմնան նպատակն է նպաստել մշակութային բազմազանությանն ու բազմալեզվությանը ՄԱԿ-ում. «Ես ռուսերենի իմացությունը համարում եմ հիմնարար և դրան բարձրագույն կարևորություն եմ տալիս: Մեր համալսարանում այսօր տեղի ունեցած տոնակատարությունը միակը չէ: Այն նշում է ռուսաց լեզվի կարևորությունը յուրաքանչյուր մարդու համար, ինչն էլ մենք փորձում ենք խրախուսել մեր ուսանողների շրջանում ամեն օր»,- ասաց ռեկտորը:
ՄԱԿ-ի Հանրային տեղեկատվության ներկայացուցիչ Մարիա Դոցենկոն ներկաներին հիշեցրեց, որ ռուսերենը ՄԱԿ-ի 6 պաշտոնական լեզուներից մեկն է և 2010 թվականից սկսված Նյու Յորքում ՄԱԿ ՀՏՎ հայտարարել է «ՄԱԿ –ում լեզուների օրերի» մեկնարկը:
Կարդացեք նաև
Վերջինս հավաստիացնում է, որ հայ երիտասարդներն այսօր շատ լավ տիրապետում են ռուսաց լեզվին և գրականությանը.«Կարևոր է, որ հայերը սովորում են ռուսերեն: Մենք ապրում ենք բազմալեզու աշխարհում, որտեղ լեզուները, որոնցով մենք խոսում, կարդում կամ գրում ենք, ազդում են մեր մտածելակերպի և գործունեության վրա»,-ընդգծեց Դոցենկոն:
Քրիստինա ՄԻՐԶՈՅԱՆ
