Քաղաքական տեխնոլոգ Կարեն Քոչարյանը զինդատախազ Գեւորգ Կոստանյանի քիչ առաջ ներկայացրած մանրամասներում, թե Սուրիկ Խաչատրյանը դեպքի վայրում չի եղել եւ չի մասնակցել փոխհրաձգությանը, ոչ մի նոր բան չի տեսնում:
«Ինքը չի՞ ասել, որ լինեի՝ 20 հատ էլ ես կշարեի ճակատին: Էդ պարզ էր էն գլխից, որ չի եղել: Էդ մարդը բերան-բերան ասել էր, էնտեղ չեմ եղել: Դեռ բախտներս էլ բերել է, որ չի եղել: Թե չէ այսօր Արտակ Բուդաղյանն էլ չէր լինի »,- ասաց պարոն Քոչարյանը:
Մեր հարցին, թե մարզպետի տան դիմաց տեղի ունեցած միջադեպը զինդատախազի կողմից որպես զինված հարձակում ներկայացնելը չի՞ փոխի քննության ընթացքը` հօգուտ մարզպետի, պարոն Քոչարյանն ասաց. «Ես իրավաբան չեմ, դրանք իրավաբանական ձեւակերպումներ են, որոնց մեջ չեմ ուզում մխրճվել»:
Պարոն Քոչարյանի խոսքերով, եթե այս միջադեպից էլ Ս. Խաչատրյանը «ջրից չոր դուրս գա», ապա Հայաստանում կզարգանա 2 ինստիտուտ. «Մի կողմից սամասուդի, մյուս կողմից` լիսկայի եւ նրա նմանների սանձարձակության անվերջությունը, ու ոչ մեկը չի կարոանալու սանձել»:
Կարդացեք նաև
Նրա համար ծիծաղելի է մարզպետի` ժամանակավորապես պարտականությունները կասեցնելու նախաձեռնությունը. «Սառեցված, դա ծիծաղելի է ու օրենքի խախտում է: Չկա նման օրենք, որով կարող ես սառեցնել լիազորություններդ ու գնալ արձակուրդ: Անկախ նրանից, մասնակցել է, թե չի մասնակցել, յուրաքանչյուր նորմալ, իրեն հարգող երկրում, երբ մեկի տնից մենակ այդքան զենք են հանում, հերիք է որ դա պատճառ լինի պաշտոնից ազատելու համար: Էդ էլ հո փաստ է, ոստիկանությունն ասաց, թե ինչքան զենք, զինամթերք հանեցին: Եթե որսորդական է, ինչքան գիտեմ, որսորդները մեկ երկու հրացանից ավել չեն պահում տանը»:
Պարոն Քոչարյանի խոսքերով, անպատժելիությունն է բերում նոր զոհեր , նոր կրիմինալ, նոր հանցագործություն: Նրա համոզմամբ, կրիմինալի «քոքը կտրելու» սկիզբը իշխանությունների հրահանգով դրվել է Գյումրու նախկին քաղաքապետ Վարդան Ղուկասյանի օրինակով. «Ինձ միակ հուսադրող բանը դա է, որ սկիզբը դրվել է»:
Արփինե ՍԻՄՈՆՅԱՆ
Սուտ է:Կոծկում են: Թող հրապարակեն տեսախցիկների նկարածը: Եթե այդ «ոչ լկտի» լիսկան չպատժվի,դրանց հարցերը ժողովրդական ձևով պիտի լուծել:
լիսկաների դեմ դուրս եկած մարդը ազգի արժանի զավակ միայն կարող է լիել: Աստված տա շուտ ապաքինվի ու իրենց վրեժը հանի էդ «ոչ այլանդակ-հանցագործ» ընտանիքից:
Միամիտ մի եղեք՝
այդ նկարահանումը կատարված է լիսկային փրկելու համար-նրա կողմնակիցների կողմից: Հակառակ դեպքում այն չեր կցվի գործին այլ կոչնչացվեր՝ եթե նրան շահավետ կադրեր չլինեին այնտեղ:
Լիսկային ոչ միայն պաշտոնից պետք է հանեն, այլ նաև պետք է դատեն իր տանը հրազենի պահեստավորման և սպանությունը հրահրելու համար: Հակառակ դեպքում նրանից վերևում գտնվող բոլոր պաշտոնյաները իրենց մեղքի մասը կունենան այս մարդասպանության մեջ: Երկրի ղեկավարները թող ապացուցեն որ երկրի կրիմինալի հետ կապ չունեն:
Ինչ վերաբերվում է տեսախցիկներին,ապա,համբերեք էլի,որ խոստացել են,ուրեմն ցույց կտան:Մոնտաժելը դեռ չեն ավարտել:Հենց որ բոլոր կադրերից ,,Լիսկային ,, հանեն,մաքրեն ,իսկույն կհրապարակեն:Զինդատախազի ասածից միայն դա էր հասկացվում:Այս մարդիք սուտն էլ չեն կարողանում տրամաբանության շրջանակներում ,, մատուցեն,,:
Արդյո՞ք մոնտաժումը կփրկի «անմեղ զոհ» լիսկային: Տեսախցիկների նկարածում ՊԻՏԻ կատարվածի խրոնոլոգիական-տրամաբանական հաջորդականություն լինի: