Եվրոպայի երիտասարդական առաջնության ընտրական փուլի` Հայաստան-Իսլանդիա հանդիպման նախօրեին մեր երիտասարդական հավաքականի գլխավոր մարզիչ Ռաֆայել Նազարյանն այսօր «Հրազդան» մարզադաշտում հանդիպեց լրատվամիջոցների հետ:
«Թիմը հանդիպմանը լավ է նախապատրաստվել: Միակ բանը, որ չկարողացանք անել, ընկերական հանդիպում կազմակերպելն էր: Բայց դա հիմնական պատճառ երբեք չի կարող դառնալ: Երիտասարդական հավաքականի գլխավոր խնդիրը ազգային հավաքականին ֆուտբոլիստներ մատակարարելն է, միջազգային մրցափորձ ձեռք բերելուն նպաստելը, որպեսզի լավագույններն անցնեն ազգային հավաքական: Իհարկե, խաղի արդյունքն էլ մեզ համար շատ կարեւոր է: Բայց խնդիր, որ անպայման 1-ին, կամ 2-րդ տեղ պետք է զբաղեցնենք, որպես այդպիսին՝ չկա: Խնդիրներն ավելի շատ կապված են լինում կոնկրետ խաղի հետ` ձգտել հաղթանակի: Վաղը խաղում ենք Իսլանդիայի հետ եւ հաղթանակի պիտի ձգտենք», – ասաց երիտասարդականի գլխավոր մարզիչը:
Աշոտ ՀԱԿՈԲՅԱՆ
