Բնապահպան Կարինե Դանիելյանն այսօր «Հայելի» ակումբում խոսեց վերջին օրերին մեծ աղմուկ հանած Հանրապետության հրապարակի վերակառուցման բաց մրցույթից:
Նա նշեց, որ ընդվզում չէր լինի, եթե հարցը վերաբերվեր միայն Լենինի արձանի տեղում ինչ-որ բան տեղադրելուն, սակայն այս պարագայում խոսքը վերաբերում է ընդհանուր հայեցակարգային վերակառուցմանը, որը նրա խոսքով ընդունելի չէ: «Պարոն գլխավոր ճարտարապետն ասում էր, թե շենքերն են բարձրացել, պետք է ներդաշնակ լինի, այսինչը չգիտեմ տեղում չի, Թամանյանով չի, ես չգիտեմ, թե դա ում վրիպակն է, թե քաղաքաշինական խորհուրդը որոշվեց այդ ամենը: Իրականում քաղաքաշինական խորհուրդը դեռ չի ձեւավորվել, չի հավաքվելեւ խոսքը գնում է ընդամենը խորհրդին կից ճարտարապետների հանձնաժողովի մասին»,-ասաց բնապահպանը
Տիկին Դանիելյանը հայտարարեց. «Ես գտնում եմ, որ սա վերջին կաթիլն է, քաղաքաշինությունը սուրը վերցրած Երեւանը ջնջում է՝ քաղաքաշինական եւ էկոլոգիական առումով: Եթե խորհրդային տարիներին կորուստներ ունեինք, գոնե կորիզը մնացել էր: Սակայն անկախության տարիներին ամեն ինչ ջնջեցինք: Ես չե՛մ խոսում միայն հրապարակի մասին, սա արտացոլումն է ամբողջ քաղաքաշինական գործընթաների»:
Նա նաեւ հավելեց. « Նարեկ Սարգսյանը մի առիթով հայտարարել է, թե ամեն գինեկոլոգ չպետք է խոսի ճարտարապետությունից ու քաղաքաշինությունից, մինչդեռ հենց ամեն գինեկոլոգ ու զոոլոգ պիտի խոսեն, թե չէ քարի, բետոնի քաղաք են սարքել,կիսաանապատը վերադարձրել են: Անցյալ օրը հեռուստատեսությամբ ասում էին՝ եթե օձեր մտնեն ձեր տներ, դիմեք արտակարգ իրավիճակների նախարարություն: Թող Նարեկ Սարգսյանն ինքը դիմի արտակարգ իրավիճակների նախարարություն:
Կարդացեք նաև
Հրապարակին պետք չէ ձեռք տալ…Գեոլոգները գոռում են՝ հերիք եղավ քաղաքի սեյսմիկ ռիսկերը բարձրացնեք»:
Կարինե Դանիելյանը փաստում է. «Շուկայի օրինակը ցույց է տալիս՝ բավական է մի փոքր թույլտվություն, եւ հրապարակը եւս կորցնում ենք: Միայն Նարեկ Սարգսյանի ճաշակով եւ ցանկությամբ փոխել քաղաքի տեսքը, չի կարելի…Գորիսի կրակոցներն ու Հանրապետության Հրապարակի հարցը համարժեք են»:
Գոհար ՀԱԿՈԲՅԱՆ
