Սյունիքի մարզպետ Սուրեն Խաչատրյանի տան մոտ տեղի ունեցած կրակոցների հետեւանքով հրազենային վիրավորում ստացած ԼՂՀ N զորամասի հրամանատար, գնդապետ Արտակ Բուդաղյանը աչքերը բացելուն պես միայն մի բան է հարցրել: Այս մասին NEWS.am-ի թղթակցի հետ զրույցում պատմեց նրա կինը` Լուսինեն:
Նա նշեց, որ ամուսինը ընդհանրապես դեպքից չի խոսել, որեւէ բան չի ասել: «Ի՞նչ է ասել, իր եղբորից է հարցրել, ի՞նչ պետք է ասի, ասել է` Ավոն, Ավոն ո՞նց է»,- նշեց Լուսինեն:
Արտակ Բուդաղյանը չգիտի, որ եղբայրը մահացել է, հարազատներն էլ նրան ոչինչ չեն ասել: Կինը պատմեց, որ դեպքի օրը ամուսինը Գորիսում է եղել, այլ մանրամասներ նա չպատմեց:
Լուսինեն նաեւ նշեց, որ ամուսնու առողջական վիճակը դեպի լավն է գնում: Նա գնացել էր Գորիս` մասնակցելու ամուսնու եղբոր` Ավետիս Բուդաղյանի հոգեհանգստի արարողությանը եւ վերադառնում էր Երեւան` ամուսնու մոտ:
Կարդացեք նաև
Հիշեցնենք, որ հունիսի 2-ին՝ ժամը 00:10-ի սահմաններում, Սյունիքի մարզպետ Սուրեն Խաչատրյանի տան մոտ հնչել են կրակոցներ, որի հետեւանքով 1 մարդ մահացել է, եւս 2 մարդ հրազենային վնասվածքներով տեղափոխվել են Գորիսի բժշկական կենտրոն: Մահացածը Գորիսի քաղաքապետի նախկին թեկնածու Ավո Բուդաղյանն է, իսկ վիրավորներից մեկը՝ նրա եղբայրը՝ Արտակ Բուդաղյանը, ով ԼՂՀ N զորամասի հրամանատար է, մյուս վիրավորը՝ Նիկոլայ Աբրահամյանն է, ով Սյունիքի մարզպետ Սուրեն Խաչատրյանի ազգականն է եւ թիկնապահը:
Կրակոցները հնչել են «Բերետա» տեսակի եւ որսորդական հրացանից: Փաստի առթիվ արդեն հարուցվել է քրեական գործ՝ ՀՀ քրօրի 104 հոդվածի 1-ին մասի (սպանություն) եւ 235 հոդվածի (ապօրինի զենք, զինամթերք կրելը, պահելը, օգտագործելը) հատկանիշներով: Վիրավորներին Գորիսի բժշկական կենտրոնից ոստիկանության քրեական հետախուզության գլխավոր վարչության արագ հակազդման բաժնի օպերների ուղեկցությամբ շտապ օգնության մեքենաներով տեղափոխել են Երեւան: Գորիսում հայտնի Սդղի լճում խնջույք է եղել, որին մասնակցել է նաեւ ԼՂՀ նախագահ Բակո Սահակյանը: Վեճ է ծագել, որը շարունակվել է Սյունիքի մարզպետի տան մոտ: Փաստի առթիվ արդեն հարուցվել է քրեական գործ՝ ՀՀ քրօրի 104 հոդվածի 1-ին մասի (սպանություն) եւ 235 հոդվածի (ապօրինի զենք, զինամթերք կրելը, պահելը, օգտագործելը) հատկանիշներով:
Դեպքի կապակցությամբ ձերբակալվել, ապա կալանավորվել է Սյունիքի մարզպետի թիկանապահ Զարզանդ Նիկողոսյանը եւ Սուրեն Խաչատրյանի որդին` 19-ամյա Տիգրան Խաչատրյանը: Գործի քննությունն իրա
