Ապրե՜լ, ապրե՜լ, այնպե՛ս ապրել,
Որ սուրբ հողդ երբեք չզգա քո ավելորդ ծանրությունը…
Սևակն ուներ ապրելու մասին իր պատկերացումները, դրանց մենք բոլորս էլ քաջ ծանոթ ենք: Իսկ ահա այսօր «Առավոտ երիտասարդականը» ծանոթացավ նաև երիտասարդների պատկերացումներին. «Ես ապրում եմ, որ…», սկսում ենք մենք, շարունակում եք դուք:
«Ես ապրում եմ, որ ամեն օր տեսնեմ արևը», – ասում է 19-ամյա Ծովինարը
«Ես ապրում եմ, որ սիրեմ, – ասում է 20-ամյա Տաթևը, – հենց սերն է ուժ տալիս ապրելու ու ձգտելու համար»:
«Ես ապրում եմ, որ երեխեքս միշտ կոնֆետ ուտեն», – ժպտում է 21-ամյա Վահեն
20-ամյա Տիգրանն էլ հայտնի խոսքն է հիոշում, ասում է. «Ես ապրում եմ, որ ծառ տնկեմ, տուն կառուցեմ ու զավակ ունենամ»:
«Ես ապրում եմ, որ բոլոր երազանքներս կատարեմ, – ասում է 19-ամյա Քնարիկը, – քանի դեռ բոլորը՝ հատ առ հատ, չեմ իրականացրել` ապրելու եմ» 🙂
«Ես ապրում եմ, որ…», մի քանի վայրկյան մտածելուց հետո 21-ամյա Լիլիթը ասաց. «…որ չմեռնեմ» 🙂
«Ես ապրում եմ, որ կատարեմ իմ առաքելությունը», – ասաց 21-ամյա Մարիամը
«Ես ապրում եմ, որ ամեն օր շնորհակալություն հայտնեմ այն մարդկանց, ովքեր միշտ կողքիս են, և այն մարդկանց, ովքեր միշտ օգնում ու հասկանում են ինձ, – ասում է 24-ամյա Անին, – դրանից ավելի կարևոր բան չկա աշխարհում»:
Տիգրանուհի Թասլակյան
