Այս պահին Էրեբունի բժշկական կենտրոնում են Սյունիքի մարզպետ Սուրիկ Խաչատրյանի հրազենից վիրավորված թիկնապահ Նիկոլայ Աբրահամյանի քեռիները:
Նրանք հրաժարվում են դեպքի մանրամասներ ներկայացնել՝ պնդելով, որ ոչինչ չգիտեն:
«Մենք էս տասը օր է, ստեղ հիվանդ ունենք, եկել էինք նրան տեսակցության զանգեցին, ասեցին Նիկոլին էլ են ստեղ բերել: Եկանք այցելենք: Ոչինչ չգիտենք, մեզ ներս չեն թողնում մտնել»,- Aravot.am-ին պատմեց Ն. Աբրահամյանի քեռին՝ Սերոժ Մանուչարյանը:
Նա միայն հավելեց, որ Ն. Աբրահամյանը ոչ ոքի վրա չի կրակել. «Ինքը կրակողը չի, ինքը տուժողն ա: Ոչ մի բան չենք իմանում: Ինչ գիտենք, ինտերնետից ենք իմացել: Ես ոչ մի բան չգիտեմ, որովհետեւ դեպքի օրը Երեւանում եմ եղել»:
Կարդացեք նաև
Մյուս քեռին էլ՝ Սամվել Մանուչարյանը հավելեց. «Առավոտը կերուխում ա եղել, հետո իրիկունը էդ եղբայրները գնացել են Սուրիկ Խաչատրյանի դռան մոտ: Տունը քնած են եղել, մարդիկ գնացել են հասել իրանց տուն ու կրակել: Սուրիկ Խաչատրյանն իրա տունը քնած ա եղել»: Բայց թե ինչու են գնացել, կրակել, պարոն Մանուչարյանն ասաց՝ էլի տեղյակ չէ:
Ն. Աբրահամյանի եղբայրն էլ՝ Արայիկ Աբրահամյանն ասաց, Նիկոլայը պիտի կազդուրվի, իրենից իմանան. «Ոչ մի բան չգիտենք»:
Մեր հարցին՝ դեպքի պահին Ն. Աբրահամյանը հսկո՞ւմ էր քնած մարզպետին, Արայիկ Աբրահամյանն ասաց. «Դե հա, իրա աշխատողներով էին»:
Արփինե ՍԻՄՈՆՅԱՆ
Հա պարզ չի՞, որ թիկնապահը ու սրա հարազատները սա պիտի ասեն: Ո՞վ չի հասկանում,որ սրանք «անմեղ» մարզպետից կախված ու կողմնակալ մարդիկ են: Տեսախցիկները ուրիշ բան են ասում:
Առաջարկում եմ Հայաստանի առողջապահությանը,՝ թիկնապահ Նիկոլոյի այս նկարը տեղադրել օղու
և ծխախոտի պիտակներին, հետևյալ գտությունով, որ ,,Եթե ծխեք ու խմեք, ապա Նիկոլայի պես
կդառնաք,,: Եթե իհարկե այդ բիզնեսները՝ առողջապահության հետ միասին, նույն հանցագործին չի
պատկանում: