Այսօր երեխաների իրավունքների պաշտպանության օրվա առիթով Գյումրու քաղաքապետ Սամվել Բալասանյանը այցելեց մանկապարտեզներ, տիկնիկային թատրոն, Գյումրու ծննդատուն ու նվերներ բաժանեց որոշ երեխաների:
Aravot.am-ը քաղաքապետից հետաքրքրվեց, թե ինչպիսի՞ մանկություն է ունեցել պարոն Բալասանյանը. «Իմ մանկությունը անհամեմատելի է էսօրվա երեխաների մանկության հետ, կյանքը առաջ է գնացել, զարգացել է, էն ժամանակ նախակրթարաններ երբ մտնում էիր, ճիշտն ասած խաղալիքները փայտից էին` կլոր, տարբեր գույների, էդ էր, ուրիշ բան չկար: Հիմա, որ մտնում ու տեսնում ես աշխարհի առաջընթացը, բնականաբար Գյումրին նույնպես օգտվում է էդ ամեն ինչից, հիանում ես, որովհետեւ էսօր նաեւ երեխան է շատ հետաքրքիր զարգացման պրոցեսի մեջ, ինքը վերցնում է I-Phone հեռախոսը ու սկսում է ինչ-որ խաղեր խաղալ: Հանձինս իմ թոռներիս, որ տեսնում եմ, շատ հետաքրքիր է էս ամեն ինչը, եւ երբ որ տեսնում ես էդ ամեն ինչը եւ տարբեր ընտանիքների երեխաներ նմանատիպ պատմություններ են պատմում, ասում ես բնականաբար անհամեմատելի է մեր մանկության հետ: Բայց մենք լավ մանկություն ենք ունեցել, դե սովետական երկրի մանկություն ենք ունեցել, լրիվ կենտրոնացված համակարգ է եղել, նախակրթարանները լրիվ ուրիշ մակարդակի վրա էին: Էսօր չգիտեմ վճարով են, էն ժամանակ նման բաներ չկար»:
Սամվել Բալասանյանը նաեւ ասաց, որ բնավորությամբ շատ հանգիստ երեխա է եղել, կոնֆիլկտային չի եղել, միշտ հաշտեցրել է: «Բայց երբ պետք է եղել, ինչպես ասում են` արժանապատվությունս միշտ բարձր եմ դասել, թեկուզեւ մանուկ ժամանակ մարդը պետք է կարողանա իրեն պաշտպանել»,- ասաց քաղաքապետը: Aravot.am-ը նրան հարցրեց, թե կգա՞ այն երանելի ժամանակը, երբ Գյումրու ավագանին էլ Երեւանի ավագանու պես մանկապարտեզները անվճար դարձնելու որոշում կկայացնի: Ըստ քաղաքապետի, դա այդքան էլ մեծ գումար չի պահանջում, բայց կախված կլինի բյուջեի հավաքագրումից: Իսկ սոցիալապես անպահով ընտանիքներից արդեն իսկ կան անվճար նախակրթարաններ հաճախող երեխաներ:
Լրագրողներից մեկն էլ նեղվեց, թե ինչո՞ւ երեխաներին նվիրված այս թանկարժեք օրը անվճար չեն Գյումրու այգիները, երբ Երեւանի գրեթե բոլոր այգիներ, օրինակ ասենք կենդանաբանական այգին անգամ անվճար է: «Ճիշտն ասած, մեր ո՞ր այգուց պիտի օգտվեն երեխաները, ուզում եմ հասկանալ, մենք իշխանության գալով `պիտի կարողանանք նաեւ այդ այգիները վերականգնել, հավուր պաշտաճի տեսքի բերել, չգիտեմ Խաղաղության օղակի այգին, թեկուզեւ Գորկի այգին, փորձենք էլի: Հիմա հնարավոր չէ Գյումրիում ամեն ինչ վերականգնել, հրապարակներ, փողոցներ , հերթով անելու ենք: Էսօր մենք մեր հերթին փորձեցինք, Գյումրու քաղաքապետարանի աշխատակիցները ավագանու անդամների հետ գնացինք նախակրթարաններ, զվարճացրեցինք, նաեւ կենտրոնական հրապարակի ասֆալտաապատումը վերջացրեցինք: Ժողովուրդը հավաքվել է, ուրախացել է, նաեւ ֆանտաններն են աշխատում, դե լավ է էլի, կյանքը ոնց որ թե փոխվում է»,- ասաց մեծահարուստ պարոն Բալասանյանը` իհարկե հենց այդ պահին մոռանալով, որ Գյումրիում դեռ փտած տնակների մեջ սերունդ է մեծանում, մեծամասամբ սոված ու ոտաբոբիկ …
Կարդացեք նաև
Նունե ԱՐԵՎՇԱՏՅԱՆ
Բալասանյանը ինչ գիտե արժանապատվությունը ինչ է, մոռացել է վայտե, օր Կայարանի թաղամասում կալյասկի վրա նստած ինվալիդ մարդուն ինչղ էր հրել-գցել կալյասկի վրից, վորտև էդ մարդը իրա թանին թթու սած մարդու բարեկամն էր:Ու էդ կարգի մարդը կրնա էսօր բարի մարդ խաղա?տո ամօթ է , ամոթ, դերասանությունից էն կողմ բան չկա ըդոր մեջ, մեկ էլ այ ըդպես անօգնականներին վրա դոդ ուժը բանցնելը